Politike

Grupi Parlamentar i PD mbështet amnistinë, kush janë tre propozimet për PS

Ndërkohë pas pranimit të aministisë, grupi ka propozuar tre pika ndër të cilat përfshihet përjashtimi nga vuajtja e dënimit dhe ndjekja penale të gjithë personat e gjykuar apo hetuar për vepra penale të kryera gjatë protestave deri në datën 31 Mars 2024.

3 Prill 2024, 15:06 Nga r.ll
Grupi Parlamentar i PD mbështet amnistinë, kush janë tre
kuvendi

TIRANË- Grupi parlamentar i Partisë Demokratike ka mbështetur amnistinë penale për të burgosurit, ndërsa pritet të votohet seancën e së enjtes në Kuvend. 

Ndërkohë pas pranimit të aministisë, grupi ka propozuar tre pika ndër të cilat përfshihet përjashtimi nga vuajtja e dënimit dhe ndjekja penale të gjithë personat e gjykuar apo hetuar për vepra penale të kryera gjatë protestave deri në datën 31 Mars 2024.

Është propozuar gjithashtu të përjashtohen nga amnistia të gjithë funksionarët e lartë të hetuar dhe/ose gjykuar nga strukturat e posaçme antikorrupsion apo që janë subjekt i deklarimit të pasurisë, si deputetë apo kryebashkiakë.

NJOFTIMI I PLOTË: 

Grupi Parlamentar i PD mbështet amnistinë, dhe propozon:

1. Grupi Parlamentar i Partisë Demokratike ka propozuar që të përjashtohen nga vuajtja e dënimit dhe ndjekja penale të gjithë personat e gjykuar apo hetuar për vepra penale të kryera gjatë grumbullimeve dhe manifestimeve të kryera deri në datën 31 Mars 2024, pavarësisht datës së regjistrimit të tyre.

2. Grupi Parlamentar i Partisë Demokratike ka propozuar përjashtimin nga amnistimi, qoftë sa i përket vuajtjes së dënimit, uljes së dënimit apo ndjekjes penale, të gjithë funksionarët e lartë të hetuar dhe/ose gjykuar nga strukturat e posaçme antikorrupsion apo që janë subjekt i deklarimit të pasurisë, si deputetë apo kryebashkiakë.

3. Grupi Parlamentar i Partisë Demokratike ka propozuar një rritje të masës së përfitimeve nga amnistia, qoftë në drejtim të uljes së dënimit me 2 vite për gratë dhe 1.5 vite për burrat, qoftë në drejtim të datës së dënimit, fillimit të hetimeve apo kryerjes së veprës penale deri në 31 Mars 2024, nga 31 Janari 2024 qê parashikonte versioni aktual i projektligjit.

kuvendi pd aministia penale

Sondazh

Poll

MË SHUMË