Aktualitet

Humbi betejën me sëmundjen e rëndë, ndahet nga jeta piktori i njohur Ali Oseku

Oseku ishte një ndër një ndër artistët më emblematik të artit shqiptar në pesëdhjetë vitet e fundit. Pas përfundimit të studimeve në Institutin e Lartë të Arteve, ai menjëherë u kthye në një figurë tërheqëse në skenën e artit shqiptar të fillimviteve ’70, duke sjellë një frymë të re në skenografitë e shfaqjeve që ai do të projektonte, si dhe një nerv artistik të veçantë në krijimet që solli nëpërmjet pikturës së tij.

2 Prill 2024, 22:25 Nga N.F
Humbi betejën me sëmundjen e rëndë, ndahet nga jeta piktori
Ali Oseku

TIRANË- Piktori i njohur, Ali Oseku ka ndërruar jetë ditën e sotme duke humbur betejën e tij me  sëmundjen e rëndë. Lajmi e hidhur e ka ndarë galeria FAB përmes një postimi në rrjete sociale ku kanë shprehur ngushëllime për familjen dhe miqtë e tij.

Oseku ishte një ndër një ndër artistët më emblematik të artit shqiptar në pesëdhjetë vitet e fundit. Pas përfundimit të studimeve në Institutin e Lartë të Arteve, ai menjëherë u kthye në një figurë tërheqëse në skenën e artit shqiptar të fillimviteve ’70, duke sjellë një frymë të re në skenografitë e shfaqjeve që ai do të projektonte, si dhe një nerv artistik të veçantë në krijimet që solli nëpërmjet pikturës së tij.


Ali Oseku lindi në Tiranë, në një familje me origjinë nga Gjakova. Liceun artistik e mbaroi në vitin 1963, ndërsa Institutin e Lartë të Arteve në vitin 1969. Pas studimeve, artisti fillon punë si skenograf në TOB. Në vitin 1973, në valën e ndëshkimeve shtetërore në fushën e artit dhe kulturës, artisti dënohet me burg deri në vitin 1979.

Pas kësaj periudhe, artisti punon si punëtor i thjeshtë, deri në rënien e sistemit.  Pas viteve ’90, u bë një nga zërat më aktivë të skenës artistike vendase.

ali oseku piktor

Sondazh

Poll

MË SHUMË