Politike

"Jam doktoreshë shkencash"/ Debate në Komisionin hetimor, Zhupa: Po silleni si grup i strukturuar kriminal

Po ashtu dhe kryetarja e Komisionit Albana Vokshi i ka paralajmëruar që të mos u bëjnë mburojë e tyre që kanë abuzuar. 

2 Prill 2024, 12:48 Nga I.A
"Jam doktoreshë shkencash"/ Debate në Komisionin hetimor,
Komisioni

TIRANË- Debatet kanë vijuar ditën e sotme në Komisionin hetimor për shëndetësinë. Gjatë mbledhjes së sotme deputetja Edona Bilali ka deklaruar se është doktoreshë shkencash dhe në këtë komision po përfaqëson PS-në. Ndërkohë që kolegia nga Opozita Ina Zhupa ka deklaruar se ata po sillen si grup i strukturuar kriminal dhe po mbrojnë njëri-tjetrin për të mos zbatuar ligjin. Po ashtu dhe kryetarja e Komisionit Albana Vokshi i ka paralajmëruar që të mos u bëjnë mburojë e tyre që kanë abuzuar. 

Pjesë nga debati:

Bilali: Jam doktoreshë shkencash, Kam ardhur në këtë komision për të përfaqësuar PS-në.

Vokshi: Po bëni shoë.

Bilali: Ju e drejtoni këtë komision. Unë e kërkoj nga ju, nuk po sugjeroj, që si drejtuese e Komisionit të vendosni një standard për të gjithë ne. Në vijim e tutje këto epitete, krahasime, mos të ishin për asnjë nga palët.

Zhupa: Siç je ti doktoreshë shkencash, jam edhe ju, por ju po silleni si grup i strukturuar kriminal. Po mbroni njërit-tjetrin për të mos zbatuar ligjin. Këtë krahësim do ta keni gjithmonë për aq kohë sa do të shkelni ligjin dhe do të mundoheni që të mbroni njëri-tjetrin.

Vokshi: Këto do të jetojnë të gjithë dhe ata që kanë ngrënë kumbulla, apo mandarina. Ato kanë vepruar si grup kriminal, ndaj mos u bëni mburojë e këtij abuzimi. Nëse dilni mburojë e këtij grupi të strukturuar kriminal, ndaj ju bëheni palë. Mos e mbroni korrupsionin. Edi Rama do thirret dëshmitar sepse është pas koncesioneve, është koka e grupit të strukturuar kriminal. Do ta dëshmojmë në këtë komision.

albana vokshi edona bilali ina zhupa

Sondazh

Poll

MË SHUMË