Sport

Lunin, ukrainasi që iu imponua madrilènëve dhe e siguroi portën e Realit me “dhunë”...

Real Madrid ka arritur marrëveshje me portierin ukrainas Andriy Lunin për të vazhduar kontratën e tij në Spanjë.

31 Mars 2024, 20:04 Nga DOSJA

Lunin, ukrainasi që iu imponua madrilènëve dhe e siguroi

SPANJE - Ishte piku i verës për Real Madridin. Teksa kampionati ishte gati të rifillonte, Thibaut Courtois, portieri i padiskutueshëm i Shtëpisë së Bardhë, pësoi këputje të ligamentit të kryqëzuar.

Për ta zëvendësuar atë, ‘Merengue’ vendosën të thërrasin spanjolin Kepa Arrizabalaga, si huazim nga Chelsea. Por shpejt, ishte ukrainasi Andriy Lunin ai që u vendos si bastioni i fundit në portën madrilene, duke luajtur 23 ndeshje në të gjitha garat deri më sot.

Me kontratë deri në vitin 2025 në kryeqytetin spanjoll, 25-vjeçari ukrainas padyshim i ka bindur drejtuesit e tij që të vënë bast për të ardhmen e tij.

Siç zbuloi gazetari italian Fabrizio Romano, drejtuesit madrilen duan të zgjasin kontratën e tij në mënyrë që ai të formojë dyshen me Thibaut Courtois, i cili do të rikthehet në fillim të sezonit të ardhshëm pas një rikthimi të madh.

Prandaj, Kepa me të gjitha gjasat duhet të kthehet logjikisht në Londër. Sa i përket Luninit, ai vitin e ardhshëm do të përballet me konkurrencën e një prej më të mirëve në botë për portën e ‘los blancos’.

B.T (Dosja.al)

Sondazh

Poll

MË SHUMË