Bota

Sot firmoset marrëveshja, Ziadin Sela i bashkohet koalicionit të Ali Ahmetit

Vendimin për t’iu bashkuar këtij Fronti, ASH-ja e drejtuar nga Sela e mori të enjten, pas mbajtjes së Kuvendit Qendror të partisë, e cila u nda në dysh, pasi kryetari i saj Arben Taravari vendosi të koalicionojë me opozitën shqiptare VLEN.

30 Mars 2024, 17:00 Nga r.ll
Sot firmoset marrëveshja, Ziadin Sela i bashkohet koalicionit të Ali
ali ahmeti, ziadin sela


SHKUP- Mbrëmjen e sotme, pritet të nënshkruhet marrëveshja e koalicionit mes kryetarit të Bashkimit Demokratik për Integrim, Ali Ahmetit dhe kreut të Aleancës për Shqiptarët, Ziadin Selës.  Me firmosjen e koalicionit ASH bëhet zyrtarisht pjesë e Frontit Europian, një nismë kjo e kreut të BDI-së, për të bërë bashkë në një koalicion të madh disa parti, nën moton “Jo Rusisë, Po Europës”.

Vendimin për t’iu bashkuar këtij Fronti, ASH-ja e drejtuar nga Sela e mori të enjten, pas mbajtjes së Kuvendit Qendror të partisë, e cila u nda në dysh, pasi kryetari i saj Arben Taravari vendosi të koalicionojë me opozitën shqiptare VLEN.

Për Front Europian, Ahmeti tashmë ka firmosur marrëveshje koalicioni edhe me kryetarin e Lëvizjes Populli, Skender Rexhepi, me atë të PDSH-së Menduh Thaçi dhe me kreun e PDE-së Arjanit Hoxha.

Gjithashtu janë firmosur marrëveshje edhe me parti të komuniteteve më të vogla, si me Unionin e Romëve, me Partinë Demokratike Turke dhe me Lëvizjen e Turqve të Maqedonisë për Drejtësi dhe Demokraci. Pritet që një koalicion i këtillë të lidhet edhe me njërën prej partive boshnjake.

ziadin sela ali ahmeti bdi ash maqedoni e veriut

Sondazh

Poll

MË SHUMË