Aktualitet

Sekuestrohen në Kakavijë mbi 11 mijë euro të padeklaruara, procedohet 53-vjeçari

Sasia e parave është sekuestruar në cilësinë e provës materiale. 

30 Mars 2024, 15:35 Nga r.ll
Sekuestrohen në Kakavijë mbi 11 mijë euro të padeklaruara,
parate

KAKAVIJË- Mbi 11 mijë euro të padeklaruara janë sekuestruar sot në pikën kufitare të Kakavijës.  Gjithashtu është proceduar në gjendje të lirë 53- vjeçari që i posedonte dhe nuk i deklaroi. 

Sasia e parave është sekuestruar në cilësinë e provës materiale. 

NJOFTIMI I POLICISË:

PKK Kakavijë/Kontrollet e detajuara nga shërbimet e Policisë Kufitare, godasin 1 rast të mosdeklarimit të të hollave.

Sekuestrohen 11 110 euro, procedohet penalisht 53-vjeçari që i posedonte dhe nuk i deklaroi në dalje të RSh-së.

Si rezultat i angazhimit maksimal të shërbimeve të Policisë Kufitare të PKK Kakavije, për parandalimin dhe goditjen e krimeve kufitare, krahas punës për ofrimin e një shërbimi cilësor dhe etik, qytetarëve në hyrje/dalje, është goditur 1 rast i mosdeklarimit të të hollave.

Në bazë të analizës të riskut, në dalje të vendit, u kalua për kontroll në vijë të dytë, shtetasi J. Ç., të cilit në çantë i janë gjetur 11 110 euro.

Shuma e parave e padeklaruar nga ky shtetas u sekuestrua në cilësinë e provës materiale.

Në vijim të veprimeve procedurale për këtë rast, specialistët për Hetimin e Krimeve të Drejtorisë Vendore të Kufirit dhe Migracionit Gjirokastër referuan materialet në Prokurori ku nisi procedimi në gjendje të lirë për shtetasin J. Ç., 53 vjeç, banues në Patos.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

kakavije

Sondazh

Poll

MË SHUMË