Aktualitet

Policia në aksion për parandalimin e aksidenteve/ Arrestohen 27 shoferë dhe pezullohen 123 patenta, problem kryesor shpejtësia dhe alkooli tek drejtuesit

Nga ky operacion janë arrestuar 27 drejtues mjetesh për drejtim mjeti në gjendje të dehur ose pa leje drejtimi. Bëhet me dije se gjithashtu janë pezulluar 123 leje drejtimi për shpejtësi tej normave të lejuara dhe për drejtim mjeti në efektin e alkoolit

30 Mars 2024, 13:52 Nga N.F

 

Policia në aksion për parandalimin e aksidenteve/ Arrestohen 27
Foto ilustruese

 

TIRANË- Për mes një njoftimi policia ka bërë me dije se ka itensifikuar masat monitoruese për të parandaluar aksidentet rrugore. Nga ky operacion janë arrestuar 27 drejtues mjetesh për drejtim mjeti në gjendje të dehur ose pa leje drejtimi.

Bëhet me dije se gjithashtu janë pezulluar 123 leje drejtimi për shpejtësi tej normave të lejuara dhe për drejtim mjeti në efektin e alkoolit. Mësohet janë evidentuar dhe ndëshkuar gjithsej 18 719 drejtues automjetesh dhe motomjetesh për shkelje të ndryshme.

Njoftimi i plotë:

Policia Rrugore/ Intensifikohen masat monitoruese, për të parandaluar aksidentet rrugore. Gjatë kësaj jave, në të gjithë vendin, shërbimet e Policisë Rrugore kanë intensifikuar masat monitoruese, duke përdorur mjetet inteligjente Poliscan, radarët automatikë dhe gjithë bazën logjistike që kanë në dispozicion.

Si rezultat i monitorimit, janë evidentuar dhe arrestuar në të gjithë vendin, 27 drejtues mjetesh, për drejtim mjeti në gjendje të dehur ose pa leje drejtimi; Janë pezulluar 123 leje drejtimi, kryesisht për shpejtësi tej normave të lejuara dhe për drejtim mjeti në efektin e alkoolit; Janë evidentuar dhe ndëshkuar gjithsej 18 719 drejtues automjetesh dhe motomjetesh, për shkelje të ndryshme, nga këto:

1227 drejtues automjetesh që përdornin celularin gjatë drejtimit të automjetit; 5416 drejtues automjetesh që qarkullonin me shpejtësi tej normave të lejuara, por pa masën plotësuese pezullim i lejes së drejtimit; 1114 drejtues automjetesh, për mosvendosje të rripit të sigurimit;  10 495 drejtues automjetesh, për parkime të gabuara; 467 drejtues motomjetesh, për mosvendosje të kaskës mbrojtëse.

Policia apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor, pasi të gjitha rrugët monitorohen nga mjetet inteligjente dhe patrullat e lëvizshme të Policisë Rrugore. Me qëllim rritjen e parametrave të sigurisë rrugore, Policia e Shtetit fton qytetarët që të denoncojnë në numrin pa pagesë 112, çdo rast të shkeljes së rregullave të qarkullimit rrugor.

policia

Sondazh

Poll

MË SHUMË