Art&Argëtim

Pas "Poor Things" Giorgos Lanthimos vjen me një film të ri, Emma Stone sërish me rol kryesor (VIDEO)

Skenari është shkruar nga regjisori së bashku me Efthymis Filippou, ndërsa montazhi është bërë nga dy herë i nominuari për Oscar, Giorgos Mavropsaridis.

29 Mars 2024, 17:50 Nga S.B
Pas "Poor Things" Giorgos Lanthimos vjen me një film të ri,
Emma Stone

SHBA- Regjisori Giorgos Lanthimos nuk po humb kohë dhe megjithëse kanë kaluar vetëm pak muaj nga premiera e filmit “Poor Things”, ai tashmë ka hedhur hapin e tij të radhës, mjaft interesant kinematografik. Filmi i ri i regjisorit quhet “Kinds of Kindness” dhe do të shfaqet premierë më 21 qershor, me Emma Stone sërish në rolin kryesor.

Asaj i bashkohen edhe aktorët Willem Dafoe, Margaret Qualley (The Maid), Joe Alwyn (The Favourite), Jesse Plemons dhe Mamoudou Athie. Skenari është shkruar nga regjisori së bashku me Efthymis Filippou, ndërsa montazhi është bërë nga dy herë i nominuari për Oscar, Giorgos Mavropsaridis.

Është një përrallë me tre pjesë, që ndjek një burrë i cili po përpiqet të rimarrë kontrollin e jetës së tij, një oficer policie që është i shqetësuar sepse gruaja e tij, e cila ishte zhdukur në det, është kthyer dhe i duket se është një burrë dhe një grua krejtësisht ndryshe.

Sipas Indiewire, pak kohë më parë regjisori deklaroi se projekti i tij i ri është si tre filma bashkë: Është një film me tre histori, aktorët me të cilët ka zgjedhur të punojë luajnë një rol të ndryshëm.

Xhirimet e tre filmave, në thelb, u zhvilluan në New Orleans në fund të vitit 2022. Kjo është hera e pestë që Lanthimos bashkëpunon me Emma Stone.

 

emma stone giorgos lanthimos filma

Sondazh

Poll