Aktualitet

FOTOT/ Marrëveshja e emigrantëve Shqipëri-Itali, nisin punimet e para në kampin e refugjatëve në Gjadër

Punimet e kampit të refugjatëve pritet të përfundojnë më 20 maj pasi në atë përiudhë pritet që të mbërrijnë edhe emigrantët e parë të kapur në det nga autoritetet italiane.

29 Mars 2024, 12:01 Nga N.F
FOTOT/ Marrëveshja e emigrantëve Shqipëri-Itali, nisin punimet e
Pamje nga Gjadri

LEZHË- Pak kohë pas miratimit të marrëveshjes mes Shqipërisë dhe Italisë kanë nisur punimet e para në Gjadër të Lezhës po punohet për ndërtimin e kampit të refugjatëve. Nga pamjet e kapura nga kantieri i ndërtimit puna është në fazat e para pasi akoma nuk është ndërtuar asgjë thjesht kanë nisur gërmimet e para.

Punimet e kampit të refugjatëve pritet të përfundojnë më 20 maj pasi në atë përiudhë pritet që të mbërrijnë edhe emigrantët e parë të kapur në det nga autoritetet italiane. Refugjatët do të priten në një strukturë që do të ngrihet në Portin e Shëngjinit dhe nga aty do të transportohen me autobusë rreth 35 km në Gjadër, ku do të qendrojnë pa fat deri në shqyrtimin e kërkesave për azil.

Ndërkohë banorët ende nuk e dinë se çfarë do të ndodhë pasi sipas tyre ata janë interesuar por nuk kanë marrë asnjë përgjigje nga drejtuesit e punimeve. Sipas burimeve, fillimisht do të ngrihet një mur rrethues 7 metra i lartë, kjo për të penguar daljen e mundshme të emigrantëve nëse do të ketë tentativa të tilla.

Më 6 nëntor, kryeministri Edi Rama dhe homologia e tij italiane, Giorgia Meloni nënshkruan marrëveshje sipas së cilës, Italia do të dërgojë në Shqipëri emigrantët që shpëton në Detin Mesdhe, ndërsa Italia do të financojë ngritjen e qendrave për pritjen e tyre. Marrëveshja do të nisë së zbatuari pranverën e vitit të ardhshëm. Sipas protokollit të publikuar nga Qeveria shqiptare, Italia do të depozitojë 16.5 milionë euro në një llogari të posaçme të Thesarit të Shqipërisë, si paradhënie për strehimin e emigrantëve.

marreveshja e emigranteve itali shqiperi kamp gjadër

Sondazh

Poll

MË SHUMË