Bota

Studimi: Ndryshimet klimatike kanë ngadalësuar rrotullimin e Tokës

Sipas një studimi të publikuar së fundmi mësohet se ndryshimet klimatike po ndikojnë në ngadalësimin e rrotullimi të tokës si dhe mund të ndikojë në mënyrën se si matim kohën.

28 Mars 2024, 13:17 Nga N.F
Studimi: Ndryshimet klimatike kanë ngadalësuar rrotullimin e
Foto ilustruese

SHBA- Shkrirja e akullajave për shkak të ndryshimeve klimatike të "kontrolluara" nga njeriu ka ngadalësuar paksa rrotullimin e Tokës. Sipas një studimi të publikuar së fundmi mësohet se ndryshimet klimatike po ndikojnë në ngadalësimin e rrotullimi të tokës si dhe mund të ndikojë në mënyrën se si matim kohën.

Edhe pse zhdukja e akullit ka ulur shpejtësinë e rrotullimit të planetit, Toka ende po rrotullohet pak më shpejt se dikur. Rritja e përgjithshme e shpejtësisë do të thotë që për herë të parë në histori, kohëmatësit botërorë mund të duhet të marrin në konsideratë zbritjen e një sekonde nga orët tona. 

Në dekadat e fundit, Toka është rrotulluar më shpejt për shkak të ndryshimeve në thelbin e saj, por shkrirja e akullit e ka kundërshtuar këtë shpërthim shpejtësie. Duncan Agnew, autor i studimit dhe një gjeofizik në Institutin Scripps të Oqeanografisë në Universitetin e Kalifornisë, thotë se shkrirja e akullit në Grenlandë dhe Antarktidë ka ndryshuar ku është përqendruar masa e Tokës.

Kjo ka ngadalësuar rrotullimin e Tokës pasi më pak akull i ngurtë në zonat veriore dhe jugore të planetit do të thotë se ka më shumë masë rreth ekuatorit. Agneë ka përdorur shembullin e një patinatori që rrotullohet në akull për të shpjeguar këtë.

"Nëse keni një patinator që fillon të rrotullohet, nëse ajo ul krahët ose shtrin këmbët, ajo do të ngadalësojë shpejtësinë. Megjithatë, nëse krahët e një patinatori tërhiqen nga brenda, kjo do të thotë se ajo do të rrotullohet më shpejt. Shkrirja e akullit në Grenlandë dhe Antarktidë është një prirje përshpejtuese e cila thuhet se është nxitur kryesisht nga ndryshimet klimatike të shkaktuara nga njerëzit. Kjo do të thotë që njerëzit mund të bëjnë që Toka të rrotullohet më pak shpejt sesa do të ishte ndryshe. Është disi mbresëlënëse, edhe për mua, ne kemi bërë diçka që ndryshon në mënyrë të matshme shpejtësinë e rrotullimit të Tokës," tha ai.

Agnew shtoi se shkrirja e akullit polar do të ishte një faktor i ri që ndikon në rrotullimin e Tokës. Fërkimi i baticave të oqeanit, pjesërisht për shkak të tërheqjes gravitacionale të hënës, ngadalëson rrotullimin e Tokës. Ndërkohë, lëvizja e lëngut brenda bërthamës së brendshme të lëngshme të Tokës mund të përshpejtojë ose ngadalësojë shpejtësinë e rrotullimit të planetit.

toka ndryshime klimatike rrotulli

Sondazh

Poll

MË SHUMË