Sport

Rënia marramendëse e vlerës së Joao Felix në tregun e futbollit...

I huazuar nga Atlético Madrid, Joao Felix ka parë që vlera e tij në treg të bjerë në mënyrë drastike që nga ardhja e tij te 'bardhekuqtë'.

23 Mars 2024, 10:30 Nga DOSJA

Rënia marramendëse e vlerës së Joao Felix në tregun e

SPANJE - Në vitin 2019, Atlético Madrid theu bankën për të blerë një nga lojtarët e rinj më të lakmuar nga kontinenti i vjetër. Bëhej fjalë për Joao Felix, portugezin nga Benfica. Për gati 130 milionë euro, lojtari çoi çantat në kryeqytetin spanjol me një presion të madh mbi supet e tij.

Por pas disa vitesh të ndërlikuara, një huazim mesatar te Chelsea, ai më në fund vendosi të provonte një aventurë të re duke u nënshkruar, sërish në formën e huazimit, te Barça. Që nga fillimi i sezonit, ai ka pasur një varg gjërash të mira, në fillim, dhe gjëra të këqija për disa muaj.

Në total, ai ka 34 ndeshje në të gjitha garat, për nëntë gola dhe pesë asistime, por mbi të gjitha ka parë rënien e vlerës së tij në treg. Ky i fundit arriti kulmin e tij në vitin 2021 me një kosto të vlerësuar në 100 milionë euro, për të humbur jo më pak se 70 milionë, teksa tashmë e gjen veten rreth 30 milionë, sipas shifrave të ‘Transfermarkt’.

‘Bardhekuqtë’, të cilët janë të hapur për shitje, nuk kanë ndërmend ta shesin për kaq pak për të bërë fitimprurës investimin kolosal të vitit 2019. Nga ana e Barçës, burimet e kufizuara të ekipit bëjnë që Joan Laporta për momentin të mos të pranojë kërkesat e homologëve të tij. Një situatë veçanërisht e ndërlikuar që duhet ndjekur...

B.T (Dosja.al)