Aktualitet

Aksidentoi për vdekje këmbësorin dhe u largua nga vendngjarja, arrestohet 69-vjeçari në Berat

Pas aksidentit autori është larguar nga vendngjarja dhe ka fshehur makinën. Më tej bëhet me dije se policia sekuestruar automjetin tip “Nissan” që drejtonte i arrestuari.

22 Mars 2024, 19:40 Nga N.F
Aksidentoi për vdekje këmbësorin dhe u largua nga vendngjarja,
Foto ilustruese

BERAT- Një 69-vjeçar është vënë në pranga nga autoritet pas një aksidenti të regjistruar ditën e djeshme në Berat. Sipas njoftimit të policisë i arrestuari ka aksidentuar për vdekje një këmbësor 65-vjeçar.

Pas aksidentit autori është larguar nga vendngjarja dhe ka fshehur makinën. Më tej bëhet me dije se policia sekuestruar automjetin tip “Nissan” që drejtonte i arrestuari.

Njoftimi i policisë:

Berat/ Ditën e djeshme, aksidentoi me pasojë vdekjen një këmbësor 65 vjeç, u largua nga vendi i aksidentit dhe fshehu automjetin, Policia identifikon, kap dhe vë në pranga 69-vjeçari. Gjithashtu, gjendet dhe bllokohet automjeti tip “Nissan” që drejtonte i arrestuari.

Specialistët e Sektorit të Policisë Rrugore të DVP Berat, si rezultat veprimeve intensive dhe të shpejta hetimore, të kryera për zbardhjen e rrethanave të një aksidenti me pasojë vdekjen, të ndodhur më datë 21.03.2024, kanë identifikuar, kapur dhe arrestuar autorin e dyshuar, shtetasin B. K., 69 vjeç, banues në Berat. 

Automjeti tip “Nissan” që drejtonte ky shtetas, ditën e djeshme, rreth orës 19:40, në vendin e quajtur "Ura e Salillarit", ka përplasur këmbësorin, shtetasin S. H., 65 vjeç, banues në Berat, i cili ditën e sotme humbi jetën në Spitalin e Tiranës.

Menjëherë pas aksidentit, drejtuesi i automjetit është larguar nga vendi i aksidentit dhe ka fshehur automjetin në qytetin e Dimalit.  Policia gjatë kontrolleve, ka gjetur dhe ka bllokuar automjetin e tij tip "Nissan". Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

berat arrestim aksident viktime

Sondazh

Poll

MË SHUMË