Bota

Ushtria serbe e vendosur në kufi me Kosovën/ Reagon Beogradi pas denoncimit të Kurtit: Fushatë dezinformuese kundër Serbisë

Sipas tyre, videoja tregon se pjesëtarët e Forcave të Armatosura të Serbisë kryejnë detyrat për sigurimin e kufirit dhe kontrollin e zonës së sigurisë tokësore, në përputhje me marrëveshjet ushtarako-teknike dhe të gjitha marrëveshjet e tjera të nënshkruara.

22 Mars 2024, 12:41 Nga DOSJA
Ushtria serbe e vendosur në kufi me Kosovën/ Reagon Beogradi pas
foto e publikuar nga kurti

SERBI-Një reagim ka ardhur nga Beogradi pas deklaratave të kryeministrit kosovar Albin Kurtit se forcat e ushtrisë serbe janë vendosur në kufi me Kosovën. 

Serbia e ka cilësuar deklaratën e Kurtit si një fushatë dezinformuese të radhës kundër Serbisë. Sipas kolonelit serb Zoran Jovanoviç, videoja tregon se pjesëtarët e Forcave të Armatosura të Serbisë kryejnë detyrat për sigurimin e kufirit dhe kontrollin e zonës së sigurisë tokësore, në përputhje me marrëveshjet ushtarako-teknike dhe të gjitha marrëveshjet e tjera të nënshkruara.

REAGIMI: 

Me rastin e pretendimeve të Albin Kurtit për lëvizjen e forcave të Ushtrisë Serbe në afërsi të kufirit me Kosovën. Kryetari i Komisionit për Zbatimin e Marrëveshjes Ushtarako-Teknike, kolonel Zoran Jovanoviç, theksoi se bëhet fjalë për vazhdimin e fushatës dezinformuese kundër ushtrisë serbe dhe forcave të sigurisë së Republikës së Serbisë.

Postimi në rrjetet sociale tregon se pjesëtarët e Forcave të Armatosura të Serbisë në Zonën e Sigurisë Tokësore kryejnë detyra të rregullta për sigurimin e kufirit dhe kontrollin e zonës së sigurisë tokësore, në përputhje me marrëveshjet ushtarako-teknike dhe të gjitha marrëveshjet e tjera të nënshkruara.

Në kryerjen e këtyre detyrave dhe zbatimin e Marrëveshjes Ushtarako-Teknike, njësitë e Forcave të Armatosura të Serbisë bashkëpunojnë me Forcat Ndërkombëtare në Kosovë(KFOR). Komisioni për Zbatimin e Marrëveshjes Ushtarako-Teknike është përgjegjës për kontrollin e zbatimit të Marrëveshjes Ushtarako-Teknike, bashkëpunimin me KFOR-in dhe mbajtjen e komunikimit të vazhdueshëm ndërmjet forcave të sigurisë së Republikës së Serbisë dhe KFOR-it.

Përhapja e mashtrimeve dhe dezinformatave, të cilat janë ekspozuar shumë herë deri më tani si gënjeshtrat më të zakonshme, janë pjesë e një fushate më të gjerë të Institucioneve të Përkohshme Vetëqeverisjeje në Prishtinë, e cila ka për qëllim ngritjen e tensioneve, mashtrimin e opinionit, krijimin e kushteve të padurueshme për jetën e serbëve në Kosovë dhe shmangia e detyrimeve të pranuara ndërkombëtarisht.

Kryeministri i Kosovës, Albin Kurti ka bërë të ditur se gjatë ditës së djeshme, njësi të specializuara të ushtrisë serbe janë parë vetëm disa metra larg kufirit me Kosovën, në afërsi të fshatit Banjë të Zubin Potokut. Kurti ka publikuar një video, dhe ka thënë se lëvizje të ngjashme janë regjistruar edhe në fshatin Oslare të Bujanovcit, në afërsi të kufirit me Kosovën. Ai theksoi se janë duke u vëzhguar me kujdes nese këto forca do të përpiqen ta kalojnë kufirin dhe shtoi se edhe ky afrim i automjeteve të tyre ushtarake nuk është normal.

albin kurti serbi zoran jovanovic

Sondazh

Poll

MË SHUMË