Bota

Alarm në Katalonjë për thatësirën,  turistët duhet të kursejnë ujin

Nivelet e rezervuarëve janë vetëm rreth 15% e kapacitetit të tyre, duke rezultuar në kufizime në konsumin e ujit nga banorët, vizitorët si dhe nga bujqësia dhe industritë. Dushet e plazhit janë mbyllur dhe pishinat nuk mund të mbushen me ujë nga rrjeti.

22 Mars 2024, 12:40 Nga S.N
Alarm në Katalonjë për thatësirën,  turistët
Foto Ilustrim

SPANJË- Turistët që mbërrijnë në aeroportin e Barcelonës ose shikojnë bazilikën ikonike Sagrada Familia do të shohin tabela të mëdha në anglisht gjatë festave të këtij viti të Pashkëve me mesazhin: Paralajmërim për thatësirën. Gjatë qëndrimit tuaj, kurseni ujin. Ndërsa ndikimi i ndryshimeve klimatike intensifikohet në të gjithë Evropën Jugore, rajoni spanjoll i Katalonjës në bregdetin e Mesdheut, i cili përfshin Barcelonën, po përjeton thatësirën më të keqe në histori.

Nivelet e rezervuarëve janë vetëm rreth 15% e kapacitetit të tyre, duke rezultuar në kufizime në konsumin e ujit nga banorët, vizitorët si dhe nga bujqësia dhe industritë. Dushet e plazhit janë mbyllur dhe pishinat nuk mund të mbushen me ujë nga rrjeti.

Zyrtarët në Katalonjë u bëjnë thirrje turistëve që të sillen me përgjegjësi, por janë gjithashtu të sigurt se thatësira nuk do t'i pengojë ata të vizitojnë qytetin dhe rajonin spanjoll që mirëpret më shumë të huajt dhe ku turizmi përbën 14.5% të ekonomisë vendase.

"Mesazhi nga agjencia e turizmit dhe ministria e biznesit katalanas për kampingjet dhe hotelet është i qetë njerëzit mund të shijojnë pushimet e tyre këtu si zakonisht," tha David Mascourt, kreu i mjedisit në qeverinë lokale.

katalonje thatesire

Sondazh

Poll

MË SHUMË