Bota

Cameron: Armëpushimi në Gaza është vendimtar, por ka shumë kushte për tu përmbushur

Vërejtjet e tij vijnë pasi Uashingtoni nis shtytjen për një armëpushim, për të liruar pengjet dhe për të sjellë ndihma ushqimore për të shmangur urinë në anën palestineze.

20 Mars 2024, 07:33 Nga M.B
Cameron: Armëpushimi në Gaza është vendimtar, por ka
Sekretari i Jashtëm i Britanisë, David Cameron

TAJLANDA- Sekretari i Jashtëm i Britanisë, David Cameron tha sot se një pauzë në luftimet midis Izraelit dhe grupit militant Hamas, ishte jetike për të mundësuar lirimin e pengjeve në Gaza, por së pari duheshin plotësuar shumë kushte për të arritur këtë. Duke folur për Reuters gjatë një udhëtimi në Tajlandë, Cameron tha se sulmet ndaj civilëve izraelitë nga Hamasi vitin e kaluar dhe mbajtja e pengjeve nga ana e tij ishin çnjerëzore.

"Ajo që duhet të përpiqemi të bëjmë është thelbësore, ta kthejmë atë pauzë në një armëpushim të qëndrueshëm të përhershëm. Ne do ta bëjmë këtë vetëm nëse plotësohen shumë kushte, ne duhet të nxjerrim liderët e Hamasit nga Gaza, ne duhet të çmontojmë infrastrukturën terroriste", tha Cameron në një intervistë gjatë një vizite në një bazë të forcave ajrore tajlandeze.

Vërejtjet e tij vijnë pasi Uashingtoni nis një shtytje për një armëpushim në luftën gati gjashtëmujore, për të liruar pengjet dhe për të sjellë ndihma ushqimore për të shmangur urinë në anën palestineze.

Cameron ishte në Nakhon Ratchasima, në Tajlandën verilindore, duke inspektuar avionët luftarakë 'Gripen' të ndërtuar nga 'Saab' e Suedisë në bashkëpunim me firmat britanike.

armëpushimi në gaza

Sondazh

Poll

MË SHUMË