Bota

Takimi në Bruksel për dinarin, Bislimi: I qëndrojmë ofertës tonë që kemi ndarë me vendet e QUINT-it

Bislimi shtoi se Serbia ka vazhduar ta refuzojë marrëveshjen bazike dhe zbatimin e saj.

19 Mars 2024, 22:48 Nga N.F
Takimi në Bruksel për dinarin, Bislimi: I qëndrojmë
Bislimi

KOSOVË- Zëvendëskryeministri i Kosovës, Besnik Bislimi ka reaguar  në platformën “X” në lidhje me takimin e zhvilluar sot në Bruksel. Bislimi shkruan se Kosova e ka bërë të qartë që do ofrojë zgjidhje teknike sipas planit që ajo u ka ofruar edhe shteteve të QUINT-it javë më parë.

Bislimi shtoi se Serbia ka vazhduar ta refuzojë marrëveshjen bazike dhe zbatimin e saj.

“Diskutohet sot në Bruksel në takimet e procesit të dialogut lidhur me zbatimin e Marrëveshjes Themelore dhe Aneksit Zbatues. Për fat të keq, Serbia përsëri refuzoi marrëveshjen dhe zbatimin e saj. Kemi prekur edhe një varg çështjesh, ku janë trajtuar edhe disa shkelje të marrëveshjeve nga Serbia, si për energjinë, telekomunikacionin dhe pengimin e anëtarësimit të Kosovës në organizatat ndërkombëtare”, ka deklaruar Bislimi.

“Sa i përket rregullores së Bankës Qendrore të Kosovës për operacionet me para të gatshme dhe transparencën, palët do të sjellin ide konkrete se si mund të duket një zgjidhje afatshkurtër, duke respektuar gjithmonë vendimin në fjalë të BQK-së.

Republika e Kosovës e ka bërë të qartë që do ofrojë zgjidhje teknike sipas planit që ajo u ka ofruar edhe shteteve të QUINT-it javë më parë”, ka deklaruar Bislimi.

kosova serbia bislimi quint

Sondazh

Poll

MË SHUMË