Bota

Skandali në Britani: Punonjësit e spitalit ku po trajtohej Kate u përpoqën të kishin akses në dosjen e saj

 Çdo personel në një mjedis shëndetësor që kërkon të ketë akses në të dhënat mjekësore të një pacienti pa pëlqimin e kontrolluesit të të dhënave të organizatës, përbën vepër penale. 

19 Mars 2024, 22:43 Nga r.ll
Skandali në Britani: Punonjësit e spitalit ku po trajtohej Kate u
kate middleton

BRITANI- Spitali ku princesha e Uellsit, Kate Middleton iu nënshtrua një operacioni abdominal thuhet se ka nisur një hetim pas akuzave se anëtarët e stafit u përpoqën të aksesonin të dhënat e saj mjekësore. 

Sipas British Mirror, të paktën një anëtar i stafit në "The London Clinic" dyshohet se u kap duke u përpjekur të aksesonte të dhënat mjekësore të Princeshës së Uellsit.

“Kjo është një shkelje e madhe e sigurisë dhe tepër e dëmshme për spitalin, duke pasur parasysh reputacionin e tij të patëmetë për trajtimin e anëtarëve të familjes mbretërore. Zyrtarët e spitalit kontaktuan Pallatin Kensington sapo incidenti ra në vëmendje dhe siguruan se do të kishte një hetim të plotë. I gjithë personeli mjekësor ishte i tronditur nga akuzat dhe i lënduar që një koleg i besuar dyshohet se ishte përgjegjës për një shkelje të tillë të besimit dhe etikës”, tha një burim për Mirror.

Hetimi vjen pasi video dhe foto u shfaqën këtë javë të Kate dhe Princit William në një dyqan fermash Windsor, mes teorive konspirative për mungesën e saj që nga operacioni abdominal. Çdo personel në një mjedis shëndetësor që kërkon të ketë akses në të dhënat mjekësore të një pacienti pa pëlqimin e kontrolluesit të të dhënave të organizatës, përbën vepër penale. 

Spitali nuk pranoi të komentonte mbi akuzat, por i tha gazetës se beson fuqishëm se të gjithë pacientët , pavarësisht statusit, meritojnë privatësi dhe konfidencialitet të plotë në lidhje me informacionin e tyre mjekësor.

Klinika e Londrës, ku u trajtua Princesha e Uellsit në fillim të këtij viti, hapi për herë të parë dyert e saj në vitin 1932. Ndër të tjera, Princi Philip, Princesha Margaret, ylli i Hollivudit Elizabeth Taylor dhe ish-presidenti i SHBA-së, John F. Kennedy.

kate middleton

Sondazh

Poll

MË SHUMË