Politike

Këlliçi denoncon: Agron Malaj i ka dhënë vëllait lejen për HEC, çdo muaj vjedh 32 mijë euro me Inceneratorin e Tiranës

Këlliçi gjatë fjalës së tij u shpreh se Malaj i ka dhënë vëllait të tij lejen për ndërtimin e një hidrocentrali në afërsi të Ulzës. Ai më tej shtoi se vëllai i kryebashkiakut është i përfshirë edhe në aferën e Inceneratorit të Tiranës dhe se për mes tij çdo muaj vjedh 32-mijë euro.

19 Mars 2024, 17:55 Nga N.F

Këlliçi denoncon: Agron Malaj i ka dhënë vëllait

TIRANË- Anëtari i Kryesisë së PD-së, Belind Këlliçi gjatë fjalës së tij në një mbledhje të zhvilluar ditën e sotme me strukturat e Partisë Demokratike në Burrel ka akuzuar kryebashkiakun Agron Malaj për korrupsion.

Këlliçi gjatë fjalës së tij u shpreh se Malaj i ka dhënë vëllait të tij lejen për ndërtimin e një hidrocentrali në afërsi të Ulzës. Ai më tej shtoi se vëllai i kryebashkiakut është i përfshirë edhe në aferën e Inceneratorit të Tiranës dhe se për mes tij çdo muaj vjedh 32-mijë euro.

“Kush e ka merak situatën e PD-së, të vi këtu në Burrel dhe të shohë që Partia Demokratike është në këmbë, më e bashkuar sesa kurrë dhe më e fortë sesa kurrë, dhe ka vetëm një qëllim, fitoren në zgjedhjet e 2025 dhe kthin e PD-së në pushtet, dhe kthimin e shpresës në Shqipëri.

Ju falënderoj për ftesën, por nuk ndjehem mirë kur shoh moshën mesatare në Burrel, ku pjesa më e madhe e rinisë është laguar dhe pjesa tjetër i ka humbur shpresa. Kreyetarja e PD-së së Burrelit, Denisa më bëri një pyetje: A mos e le denoncimet për Inceneraotorin meqë ke ardhur në Burrel? Por edhe në Burrel, na del çështja e Inceneratorit.

Kryebashkiaku banditi që është në krye të Bashkisë Burrel, Agron Malaj, përmes së vëllait të tij, çdo muaj vjedh 32-mijë euro me Inceneratorin fantazmë të Tiranës. Njihni ju biznesmen që kanë vendosur 4 kamera dhe fiton një shumë të tillë? Kush është ky që ndërton hotelin më të shtrenjtë në Shqipëri, me dhjetra milionë euro?

Ndërkohë që unë bëja këtë pyetje, mora vesh që është vendos një rekord botëror në Burrel, ku kryetari i Bashkisë, i ka dhënë leje vëllait të vet, leje për hidrocentralin në afërsi të Ulzës. Ku keni parë nivel të tillë korrupsioni?”, tha Këlliçi.

belind këlliçi agron malaj korrupsion

Sondazh

Poll

MË SHUMË