Politike

Grupi Parlamentar i PD depoziton projekt-ligjin për rritjen e pensioneve, Bardhi: Tregues i një shoqërie të emancipuar

Në njoftim thuhet se nisma ligjore synon rritjen e pensioneve minimale, veçanërisht pensionistëve në zonat rurale, duke vendosur një standard minimal të masës së përfitimit, pavarësisht llojit të pensionit, si dhe duke zhbëre ato parashikime ligjore që e kufizojnë të drejtën e përfitimit të pensionit me tërheqjen ose jo të tij gjatë tre viteve të fundit.

19 Mars 2024, 14:18 Nga M.B
Grupi Parlamentar i PD depoziton projekt-ligjin për rritjen e pensioneve,
Gazment Bardhi

TIRANA- Kreu i Grupit Parlamentar të PD-së, Gazment Bardhi ka dorëzuar në Kuvend propozimin e projekt-ligjit për rritjen e pensioneve. Bëhet fjalë për një rritje në masën minimale 300 euro deri në vitin 2029. Në njoftim thuhet se nisma ligjore synon rritjen e pensioneve minimale, veçanërisht pensionistëve në zonat rurale, duke vendosur një standard minimal të masës së përfitimit, pavarësisht llojit të pensionit, si dhe duke zhbëre ato parashikime ligjore që e kufizojnë të drejtën e përfitimit të pensionit me tërheqjen ose jo të tij gjatë tre viteve të fundit. Gjithashtu njoftimi thekson se trajtimi i pensionistëve është tregues i një shoqërie të emancipuar.

Njoftimi:

Grupi Parlamentar i Partise Demokratike ka ndërmarre një nisme ligjore që synon rritjen e pensioneve minimale, veçanërisht pensionistëve në zonat rurale, duke vendosur një standard minimal të masës së përfitimit, pavarësisht llojit të pensionit, si dhe duke zhbëre ato parashikime ligjore që e kufizojnë të drejtën e përfitimit të pensionit me tërheqjen ose jo të tij gjatë tre viteve të fundit.

Trajtimi dinjitoz i një prej shtresave më vulnerabël të vendit është një tregues i një shoqërie të emancipuar, në paqe sociale dhe ku vlerësohet drejt puna dhe sakrificat shumëvjecare të bashkëqytetarëve tanë.

Konkretisht, ndërhyrja në ligj synon që të vendosë një standard minimal për masën e përfitimit të pensionit në vendin tonë, pavarësisht llojit të këtij pensioni, duke filluar nga viti 2024 në masën e pensionit mesatar rreth 18 mijë lekë dhe duke vijuar në progresion rritës për 5 vitet e ardhshme, me qëllim që në vitin 2029 të mos ketë pensione më të ulëta se 32 mijë leke (rreth 300 euro).

gazment bardhi

Sondazh

Poll

MË SHUMË