Bota

Blinken: Zgjedhjet në Rusi ishin jodemokratike

 Kremlini ka margjinalizuar sistematikisht grupet që mbrojnë proceset demokratike dhe sundimin e ligjit, duke përfshirë monitoruesit e zgjedhjeve.

19 Mars 2024, 15:27 Nga E. D
Blinken: Zgjedhjet në Rusi ishin jodemokratike
Antony Blinken

SHBA- Sekretari amreikan i shtetit Antony Blinken tha se se zgjedhjet presidenciale në Rusi ishin jodemokratike.

“Zgjedhjet e fundit presidenciale të Rusisë ndodhën në një mjedis të shtypjes intensive të zërave të pavarur dhe burgosjes, vdekjes ose internimit të pothuajse të gjithë opozitës së vërtetë politike,” tha Blinken në një deklaratë.

 Kremlini ka margjinalizuar sistematikisht grupet që mbrojnë proceset demokratike dhe sundimin e ligjit, duke përfshirë monitoruesit e zgjedhjeve.

“Këto hapa ilustrojnë shkallën në të cilën Kremlini u ka mohuar qytetarëve të tij një proces demokratik transparent dhe kuptimplotë. Në këtë sfond, këto zgjedhje mund të përshkruhen vetëm si jodemokratike," shtoi Blinken. 

Komentet e sekretarit vijnë vetëm një muaj pas vdekjes së liderit të opozitës ruse Alexei Navalny, i cili u burgos për rezistencën e tij ndaj Putinit. Qeveria amerikane dhe udhëheqës të tjerë perëndimorë kanë fajësuar Putinin për vdekjen e tij, duke përmendur tentativat e mëparshme për vrasje.

“Vladimir Putin po privon qytetarët rusë nga aksesi në informacion, duke përfshirë informimin e pjesëmarrjes politike. Pavarësisht nga rezultati i paracaktuar i këtyre zgjedhjeve, Shtetet e Bashkuara do të vazhdojnë të qëndrojnë me ata që po ndjekin një të ardhme më të ndritur për Rusinë," tha Blinken.

antony blinken

Sondazh

Poll

MË SHUMË