Bota

Forcat izraelite bastisin spitalin al-Shifa në qytetin e Gazës

Ai tha se trupat vranë 20 terroristë, duke përfshirë një komandant të lartë të forcave të sigurisë së brendshme të Hamasit, dhe arrestuan dhjetëra të dyshuar gjatë bastisjes.

18 Mars 2024, 19:22 Nga E. D
Forcat izraelite bastisin spitalin al-Shifa në qytetin e Gazës
fotot ilustruese

IZRAEL- Ushtria izraelite thotë se ka marrë kontrollin e spitalit al-Shifa në qytetin e Gazës, në atë që e quajti një operacion për të penguar aktivitetin terrorist. Ai tha se trupat vranë 20 terroristë, duke përfshirë një komandant të lartë të forcave të sigurisë së brendshme të Hamasit, dhe arrestuan dhjetëra të dyshuar gjatë bastisjes. Dëshmitarët përshkruan shkëmbime të mëdha zjarri rreth zonës, ku janë strehuar mijëra njerëz të zhvendosur.

Gjithashu ministria e shëndetësisë e Gazës e drejtuar nga Hamasi tha se Izraeli po kryente një krim lufte.
Ndërsa ushtria izraelite tha se nuk kishte asnjë detyrim për stafin mjekësor apo pacientët që të largoheshin dhe se spitali mund të vazhdojë funksionet e tij të rëndësishme.

"Ne jemi të bllokuar aty ku jemi brenda departamentit. Një predhë goditi ndërtesën tonë në katin e parë, duke plagosur disa njerëz. Një burrë vdiq nuk mundëm ta shpëtojmë. Ne po punojmë vetëm me ndihmën e parë, në thelb nuk mund të operojmë sepse nuk ka energji elektrike dhe ujë," tha Dr Amer Jedbeh, një 31-vjeçar rezident kirurgjik.

Ushtria u ka thënë civilëve që jetojnë në zonën përreth se ata duhet të largohen menjëherë për sigurinë e tyre dhe të shkojnë në jug të zonës humanitare në al-Mawasi, afër qytetit jugor të Rafah. Forcat izraelite janë kritikuar ashpër për bastisjet e tyre të mëparshme në objektet shëndetësore të Gazës  përfshirë al-Shifa -gjatë luftës pesë mujore me Hamasin.

Konflikti filloi pasi persona të armatosur të Hamasit vranë rreth 1200 njerëz në jug të Izraelit më 7 tetor dhe morën peng 253 persona të tjerë. Më shumë se 31,700 njerëz janë vrarë në Gaza që atëherë, duke përfshirë 81 persona në 24 orët e fundit, sipas ministrisë së shëndetësisë të territorit.

lufta në gaza

Sondazh

Poll

MË SHUMË