Bota

Vetëm 5 muaj në krye të Syrizës, Stefanos Kasselakis paraqitet në repart për të kryer shërbimin e detyruar ushtarak

Greko-amerikani për një kohë të shkurtër u kthye nga një biznesmen në SHBA në politikan në Greqi si dhe mundi gjithë kandidatët dhe u zgjodh me shumicë votash kreu i të Majtëve në vend. Ai ka shkuar në repartin ushtarak të Tebës, aty ku do të shërbejë për 20 ditë, siç e parashikon legjislacioni përkatës.

15 Mars 2024, 21:18 Nga N.F
Vetëm 5 muaj në krye të Syrizës, Stefanos Kasselakis
Kasselakis

GREQI- Lideri i Syrizës, Stefanos Kasselakis shkon të kryejë shërbimin e detyruar ushtarak megjithëse ka vetëm pesë muaj në krye të partisë më të madhe opozitare. Kasselakis ka filluar sot shërbimin e detyruar ushtarak, ashtu siç e kërkon ligji grek.

Greko-amerikani për një kohë të shkurtër u kthye nga një biznesmen në SHBA në politikan në Greqi si dhe mundi gjithë kandidatët dhe u zgjodh me shumicë votash kreu i të Majtëve në vend. Ai ka shkuar në repartin ushtarak të Tebës, aty ku do të shërbejë për 20 ditë, siç e parashikon legjislacioni përkatës.

“Është një ditë e rëndësishme për çdo grek, aq më tepër për mua, një “fëmijë nga diaspora”, shkruan ai në rrjetet sociale ku ka publikuar edhe fotografitë e para, ndërsa thekson se është krenar që i shërben vendit.

“Kam vendosur t’i shërbej atdheut për gjithë jetën”, ka thënë ai pak para se të hynte në repartin ushtarak.

Pasi ka dorëzuar kartën e identitetit tek porta e hyrjes, janë ndjekur procedurat e zakonshme për rekrutët e rinj, janë firmosur letrat përkatëse, i është nënshtruar një kontrolli mjekësor dhe ka marrë uniformën ushtarake. Më pas u dërgua në repartin, ku do të flejë me 15 rekrutët e tjerë.

kasselakis ushtri greqi

Sondazh

Poll

MË SHUMË