Sport

Dokumentari i Netflix për "bëmat" e Jose Mourinhos: “Kur të dalë në treg do të thonë se jam një idiot i vërtetë”,- thotë portugezi…

Dokumentari do të tregojë ecurinë e karrierës së tij dhe siç thekson Mourinho, do të thotë gjëra që nuk janë dëgjuar kurrë më parë, sepse ai thjesht ishte paguar mirë.

15 Mars 2024, 19:23 Nga DOSJA
Dokumentari i Netflix për "bëmat" e Jose Mourinhos:

SHBA - Dokumentari i Netflix mbi karrierën e Jose Mourinhos do të dalë në vitin 2025. Ai po përgatitet nga kompania, që prezantoi edhe historinë e David Beckham në tetorin e kaluar dhe pritet të jetë emocionues. Si të mos ishte, në fund të fundit, kur ai regjistron kursin e një prej trajnerëve më të suksesshëm të futbollit në botë. 

 
 
 
 
 
View this post on Instagram
 
 
 
 
 
 
 
 
 
 
 

A post shared by Jose Mourinho (@josemourinho)

Jose Mourinho është i vetmi trajner, që i ka fituar të gjitha trofetë evropianë. Më e madhja e tij është Champions League, që fitoi në 2004 me Porton dhe në 2010 me Interin. 

Njeriu, që nuk luajti kurrë futboll dhe e filloi karrierën e tij si përkthyes në Barcelonë, në vitet 1990, ku Pep Guardiola dhe Luis Enrique luanin mes të tjerëve, ka shumë për të thënë dhe ka bërë gjithçka. 

Mourinho është aktualisht pa punë, pasi u shkarkua nga Roma më 16 janar, me të cilin fitoi Conference League të Evropës 2022. 

Që kur mori drejtimin e Porto-s, Mourinho ka fituar 26 trofe, duke përfshirë tituj të njëpasnjëshëm me Chelsean në 2005 dhe 2006 nën pronësinë e Roman Abramovich dhe më pas fitoi tripletën me Interin në 2010. Me Real Madridin ai fitoi ligën në 2012.

Një tjetër titull i Premier League pasoi në 2015, kur u kthye te Chelsea dhe Europa League me Manchester United në 2017.

61-vjeçari nuk e ka marrë me dashamirësi shkarkimin nga Roma dhe duke folur për dokumentarin e Netflix ka theksuar:

“Ka gjëra që do të dihen vetëm aty, më paguajnë mirë! Nuk kisha nënshkruar ende me Romën, por e kisha dhënë fjalën. Erdhi një klub dhe donte që unë të prishja marrëveshjen time me Romën. Por unë thashë ‘Jo’. 

Kur të dalë dokumentari, të gjithë do të thonë se jam një idiot. Kur më kërkuan nga Portugalia, i thashë menjëherë presidentit të Romës. E njëjta gjë ndodhi edhe me Arabinë Saudite”.

Megjithatë, ai do të ketë shumë për të thënë për marrëdhëniet e tij me hakmarrjet, për Chelsea-n e Abramovich, për mjekun që e dërgoi në gjykatë, për shpërthimet e tij ndaj arbitrave dhe lojtarëve! 

B.T (Dosja.al)

Sondazh

Poll

MË SHUMË