Sport

ZYRTARE/ Kroati Igor Tudor ulet në stolin e Lazios, nënshkruan deri në vitin 2025...

Trajneri kroat do të jetë zëvendësuesi i Sarrit në skuadrën e Romës

15 Mars 2024, 19:00 Nga DOSJA
ZYRTARE/ Kroati Igor Tudor ulet në stolin e Lazios, nënshkruan deri

ITALI - Lazio do të mbështetet te Igor Tudor, pasi Maurizio Sarri dha dorëheqjen këtë javë, raportoi shtypi italian sot. 

Sipas “La Gazzetta dello Sport”, kanali televiziv “Sky Sport” dhe “Il Messaggero”, Tudor ka arritur marrëveshje me presidentin dhe pronarin e klubit, Claudio Lotito, pasditen e së enjtes dhe do të nënshkruajë kontratë deri në qershor 2025.

Ardhja e tij do të zyrtarizohet pas ndeshjes së nesërme (16/3) ndaj Frosinones në kuadër të ditës së 29-të të ligës italiane. Skuadra do të drejtohet në këtë ndeshje nga Giovanni Martusciello, ish-asistent i Sarrit.

Tudor, 45 vjeç, ka qenë një trajner i lire, që kur u largua nga Marseille, në qershor 2023 pas vetëm një sezoni. Ish-ndërkombëtari kroat do të rikthehet në Seria A që e njeh mire, pasi ka kaluar pjesën më të madhe të karrierës së tij atje, te Juventus midis 1998 dhe 2007 dhe si trajner me Udinese (2018, 2019), Hajduk (2020) dhe Verona (2021-22).

Tudor do të marrë përsipër një klub në krizë, pas largimit të papritur të Maurizio Sarri, i cili e udhëhoqi Lazion në vendin e 2-të në Serie A sezonin e kaluar. Lazio aktualisht është i 9-ti me 35 pikë prapa liderit Inter dhe u eliminua në raundin e 16-të të Champions League nga Bayern Munich.

B.T (Dosja.al)

Sondazh

Poll

MË SHUMË