Politike

Berisha: Berberi i Belindës është Taulanti i Erion Veliajt. 1 km rrugë në Sheshin Shqiponja ka kushtuar 30 mln euro

Ai akuzoi se vjedhjet që bëhën me projektete e rrugëve e tejkalojnë imagjinatën, sipas tij ajo autostardë nuk kushton më shumë se 1.5 milionë euro kilometri.

14 Mars 2024, 20:00 Nga h.k
Berisha: Berberi i Belindës është Taulanti i Erion Veliajt. 1 km
Foto ilustruese

TIRANË- Sali Berisha në deklaratat e tij të përditshme nga banesa e tij ka thëne ditën e sotme se Berberi i Belinda Ballukut është Taulanti i Erion Veliajt. Ish-Kryeministri ka deklaruar se është e pamundur që 1 km rrugë në Sheshin Shqiponja të kushtojë 30 milionë euro.

Kryedemokrati akuzoi se vjedhjet që bëhën me projektete e rrugëve e tejkalojnë imagjinatën, sipas tij ajo autostardë nuk kushton më shumë se 1.5 milionë euro kilometri. Berisha ka deklaruar se Berberi është arrestuar për të mbuluar Edi Ramën dhe Belindën.

Berisha: Të dashur qytetarë, do u jap sonte disa shembuj për të kuptuar vjedhjen e tmerrshme që bën Edi Rama, Belinda Balluku dhe soji i tyre në punët publike. Për të kuptuar se Berberi i Belindës është Taulanti i Erion Veliajt.

Nuk është asgjë tjetër. Arrestohet Taulanti për të mbuluar vjedhjen gjer tani të 130 milionë euro me djegësin e Tiranës. Për të mbuluar zhdukjen e 130 milionë eurove në konton bankare të Edi Ramës dhe Erion Veliajt, para të paguara për inceneratorin e Tiranës.

Në një kohë, kur inceneratorit nuk i gjendet nam as nishan. Kur asnjëri nga 5 objektet nuk ekziston.
Por këtë krim të madh pasi Dumanët dhe Krajët kanë mbushur valixhet me euro, duan ta mbyllin me Taulantin dhe një drejtor tjetër të bashkisë. E njëjta gjë zhvillohet me rrugët.

Vjedhjet në rrugë e tejkalojnë imagjinatën. Një km rrugë në Sheshin Shqiponja, jo e re, por e rindërtuar, ka kushtuar 30 milionë euro.

Cilido nga ju le të lexojë sa ka kushtuar tre vite më parë autostrada Bjelli Manastir- Osijek në Kroaci, e gjatë 17 kilometra, e gjerë 29 metra. Ka kushtuar 27 milionë euro. Po pse? Sepse standardi evropian nuk të lejon të ndërtosh me çmime false, që nuk i përmbajnë manualet.

Sepse manualet e ndërtimit që llogarisin kostot e çdo materiali të përdorur për ndërtim, në vendet e BE e nxjerrin se në atë terren, ajo autostradë nuk kushton më shumë se 1.5 milionë euro kilometri.
Si mund të kushtojë 30 milionë euro rindërtimi i një kilometri rrugë në dalje të Tiranës? 

Vjedhje, vjedhje dhe vetëm vjedhje.

Miqtë e mi, ja pse arrestohet Berberi, për të mbuluar Edi Ramën dhe Belindën.

sali berisha pd

Sondazh

Poll

MË SHUMË