Ministria e Mbrojtjes e Rusisë tha më herët se mbrojtja ajrore ka rrëzuar 65 dronë ukrainas në gjashtë rajone – 35 në Voronezh, 25 në Belgorod, tetë në Brjansk dhe Kursk, një në Leningrad, një në rajonin e Rjazanit – përderisa zyrtarët rajonalë raportuan se rafineria e naftës e Rosneft-it në Rjazan u sulmua një ditë pasi një sulm me dron shkaktoi dëme të mëdha në rafinerinë e Lukoil-it.
RUSI- Shërbimi i Sigurisë së Ukrainës (SBU) qëndron prapa një vale të sulmeve me dronë ndaj disa rajoneve ruse më 13 mars, që raportohet se kanë shkaktuar zjarr në një rafineri të Rosneft-it dhe kanë shënjestruar caqe të tjera ekonomike dhe ushtarake, tha një burim në SBU për Radion Evropa e Lirë.
Ministria e Mbrojtjes e Rusisë tha më herët se mbrojtja ajrore ka rrëzuar 65 dronë ukrainas në gjashtë rajone – 35 në Voronezh, 25 në Belgorod, tetë në Brjansk dhe Kursk, një në Leningrad, një në rajonin e Rjazanit – përderisa zyrtarët rajonalë raportuan se rafineria e naftës e Rosneft-it në Rjazan u sulmua një ditë pasi një sulm me dron shkaktoi dëme të mëdha në rafinerinë e Lukoil-it.
Pavel Malkov, guvernator i Rjazanit, që gjendet afër 180 kilometra në juglindje të Moskës, tha se rafineria lokale e naftës e kompanisë Rosneft – e shtata më e madhja në Rusi – është përfshirë nga flakët si pasojë e një sulmi me dron. Ai nuk raportoi për viktima.
Kanali SHOT në Telegram raportoi se nga sulmi në degën e Rosneft-it, Ryazannefteprodukt, janë plagosur dy persona.
Burimi nga SBU i tha REL-it se tri rafineri të naftës në Rusi – një në Rjazan, një në Kstovo në rajonin Nizhni Novgorod dhe një në Kirishi në rajonin e Leningradit – janë shënjestruar nga dronët ukrainas, teksa Kievi po synon të shkaktojë sa më shumë dëme në ekonominë ruse.
“Sistematikisht, ne kemi zbatuar një strategji të detajuar për të dobësuar potencialin ekonomik të Federatës Ruse. Detyra jonë është ta privojmë armikun nga burgimet dhe të zvogëlojmë rrjedhën e parave të naftës dhe karburantit, të cilat Rusia i përdor për luftën dhe vrasjen e qytetarëve tanë”, tha burimi.
Dronët ukrainas po ashtu kanë shënjestruar një bazë ajrore ruse në Buturlinjvka, dhe një bazë ajrore ushtarake në rajonin e Voronezhit, tha burimi.
“Ne jemi në luftë me gjithçka që financon ushtrisë ruse dhe luftën. Dhe Rusia është në luftë me civilët dhe me ndërtesat e larta”, tha Andriy Yermak, shefi i zyrës së presidencës ukrainase përmes një postimi në Telegram, pa konfirmuar sulmet.
Sulmet e 13 marsit ndodhën një ditë pas një vale tjetër sulmesh që goditën disa shënjestra në Rusi, teksa u raportua për zjarr në dy ndërtesa të mëdha të naftës. Sulmet dëmtuan rafinerinë NORSI të Lukoil, që është rafineria e katërt më e madhe në Rusi.
Marrë nga REL
Erdogan dhe Netanyahu TURQI- Presidenti turk Rexhep Tajip Erdogan ditën e djeshme bëri thirrje për rritjen e presionit ndërkombë...
Varshava VARSHAVË- Kryeqyteti i Polonisë, Varshava, do të shpenzojë 30 milionë dollarë në 2-3 vitet e ardhshme për ...
Zëvendës Sekretari i Thesarit i SHBA Wally Adeyemo SHBA- Zëvendës Sekretari i Thesarit i SHBA-së, Wally Adeyemo i kërkoi sot ...
Foto ilustruese AFGANISTAN- Moti i keq ka përfshire Afganistanin ku ka sjellë vdekjen e 60 personave. Lajmin për vdekjet e ka konfirmuar&nbs...
Foto ilustruese BRUKSEL-Ligjvënësit në Parlamentin Evropian miratuan sot Aktin e Inteligjencës Artificiale, rregulla që synojn&eu...
Foto ilustruese PEKIN- Ministria kineze e Mbrojtjes ka deklaruar se Kina dhe NATO kanë mbajtur një takim të tetë të stafit us...
foto ilustruese AI JAPONI- Banorët e një qyteti në Japoninë perëndimore janë paralajmëruar të qëndrojn&eu...
Ministri i Jashtëm i Ukrainës Dmytro Kuleba UKRAINA- Ministri i Jashtëm i Ukrainës, Dmytro Kuleba, tha sot se trupat e armatosura ukrai...
buzëkuqi i parë IRAN- Buzëkuqi më i vjetër i njohur në botë është përdorur deri në 5000 vjet m&...
Foto ilustruese KOSOVË- Analisti politik nga Prishtina, Visar Ymeri, beson se Qeveria e Kosovës, e udhëhequr nga kryeministri Albin Kurti, d...