Bota

Zv. Sekretari i Thesarit të SHBA-së: Afrika e Jugut të nxisë luftën kundër korrupsionit

Këto komente ai i dha në një fjalim të përgatitur për Dhomën Amerikane të Tregtisë në Johanesburg.

13 Mars 2024, 14:07 Nga M.B
Zv. Sekretari i Thesarit të SHBA-së: Afrika e Jugut të nxisë
Zëvendës Sekretari i Thesarit i SHBA Wally Adeyemo

SHBA- Zëvendës Sekretari i Thesarit i SHBA-së, Wally Adeyemo i kërkoi sot Afrikës së Jugut të përshpejtojë betejën e saj kundër korrupsionit. Adeyemo theksoi nevojën për rritjen e përpjekjeve kundër korrupsionit, punën e vazhdueshme për të përshpejtuar tranzicionin e Afrikës së Jugut drejt energjisë së rinovueshme dhe hapat për të nxitur rritjen në sektorin e saj të larmishëm të shërbimeve. Këto komente ai i dha në një fjalim të përgatitur për Dhomën Amerikane të Tregtisë në Johanesburg.

"Vetëm investimet nuk mund të zhbllokojnë potencialin e ekonomisë suaj. Bisedat e mia me afrikano-jugorët nga një larmi prejardhjesh e bëjnë të qartë se përparimi në energjinë e rinovueshme dhe adresimi i të gjitha sfidave të tjera me të cilat përballet ky vend i madh pengohet nga korrupsioni", tha Adeyemo në ditën e tretë të vizitës së tij në Afrikë.

Adeyemo, vizita e të cilit përfshin ndalesa në Cape Town, Pretoria dhe Johannesburg, tha se Uashingtoni ishte i gatshëm të ndërtonte një përpjekje të përbashkët për të luftuar trafikimin e paligjshëm të kafshëve të egra, një tregti e nxitur nga korrupsioni dhe krimi i organizuar.

"Ne duam të ndërtojmë mbi këtë punë për të shfrytëzuar kornizat ndërkombëtare për të luftuar korrupsionin dhe për të promovuar transparencën në sektorë të ndryshëm, duke siguruar që burimet të shpërndahen në mënyrë efikase për të mirën e të gjithë qytetarëve," tha Adeyemo.

shba afrika e jugut

Sondazh

Poll

MË SHUMË