Aktualitet

Tentuan të kalonin kufirin me pasaporta të falsifikuara, arrestohen në aeroportin e Rinasit dy shtetas turq

Dy personat me inicialet M.S dhe D.A paraqitën në sportel pasaporta greke me të dhënat e tyre të cilat rezultuan të ishin të falsifikuara.

13 Mars 2024, 12:56 Nga S.B
Tentuan të kalonin kufirin me pasaporta të falsifikuara, arrestohen
foto ilustruese

RINAS- Dy shtetas turq janë arrestuar ditën e sotme në aeroportin e Rinasit. Mësohet se arsyeja e ndalimit të tyre ishtë dalja nga vendi ynë me pasaporta false.

Dy personat me inicialet M.S dhe D.A paraqitën në sportel pasaporta greke me të dhënat e tyre të cilat rezultuan të ishin të falsifikuara. Si pasojë e këtij veprimi dy turqit janë arrestuar në flagrancë si dhe u janë sekuestruar pasaportat dhe biletat e avionit.

Njoftimi i policisë:

Rinas/Si rezultat i kontrolleve të shtuara nga shërbimet e Policisë Kufitare dhe i përdorimit të mjeteve bashkëkohore për ekzaminimin e dokumenteve, goditen 2 raste të tentativës për të kaluar kufirin, me dokumente të falsifikuara. 

Arrestohen në flagrancë 2 shtetas turq që tentuan të dilnin nga Shqipëria, me pasaporta greke të falsifikuara.      

Sekuestrohen pasaportat false dhe biletat e udhëtimit.  

Shërbimet e Policisë Kufitare Rinas, si rezultat i kontrolleve të shtuara dhe i përdorimit të mjeteve bashkëkohore për ekzaminimin e dokumenteve, bazuar në analizën e riskut, kanë goditur 2 raste të tentativës për të kaluar kufirin, me dokumente të falsifikuara. Për këto dy raste, specialistët për Hetimin e Krimeve të DVKM Tiranë arrestuan në flagrancë shtetasit turq:   

M. S., 38 vjeç dhe D. A., 26 vjeç, të dy banues në Turqi. 

Këta shtetas kanë paraqitur në sportel, në dalje, pasaporta greke me të dhënat e tyre, të cilat pas ekzaminimit në laborator, rezultuan të falsifikuara. Pasaportat false dhe biletat e udhëtimit të këtyre shtetasve, u sekuestruan në cilësinë e provës materiale.  

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

rinas pasaporta te falsifikuara

Sondazh

Poll

MË SHUMË