Aktualitet

Ndaj tyre u qëlluan mbi 30 plumba, dy të plagosurit në Shkodër dolën menjëherë nga makina kur dëgjuan të shtënat (DETAJE)

Pavarësisht breshërisë së plumbave, të plagosurit kanë marrë nga dy plagë secili dhe fatmirësisht ndodhen jashtë rrezikut për jetën në Spitalin e Shkodrës.

12 Mars 2024, 22:02 Nga r.ll
Ndaj tyre u qëlluan mbi 30 plumba, dy të plagosurit në
foto nga vendngjarja

SHKODËR- Vijojnë të zbardhen detaje të reja nga atentati i ndodhur mbrëmjen e sotme në Shkodër, ku të plagosur mbetën dy persona.

Mësohet se autorët kanë qëlluar mbi 30 plumba drejt automjetit ku ndodhenin Gjergj Ndërshtiqaj, i cili aktualisht ndjek Akademinë e Policisë për të marrë gradën e oficerit dhe kunati i tij, Gjon Nika.

Pavarësisht breshërisë së plumbave, të plagosurit kanë marrë nga dy plagë secili dhe fatmirësisht ndodhen jashtë rrezikut për jetën në Spitalin e Shkodrës. Sipas raportimeve në momentin kur autorët e dyshuar kanë nisur që të qëllojnë, dy të plagosurit kanë dalë menjëherë nga automjeti dhe kanë nisur të vrapojnë në tokat afër vendit të ngjarjes duke arritur që të shpëtojnë.

Deri më tani janë gjetur dy makina të djegura, njëra e autorëve dhe njëra e dy të rinjve të plagosur. Të dy automjetet dyshohet se janë dejgur nga autorët e të shtënave. 

atentat ne shkoder gjergj ndershtiqaj gjon nika

Sondazh

Poll

MË SHUMË