Aktualitet

Nga drejtimi mjetit në gjendje të dehur tek mashtrimi, arrestohet një person dhe procedohen 3 të tjerë në Fier

Materialet për veprat e mësipërme penale i kaluan Prokurorisë së Fierit.

12 Mars 2024, 11:09 Nga S.B
Nga drejtimi mjetit në gjendje të dehur tek mashtrimi, arrestohet
foto ilustruese

FIER- Arrestohet një person dhe procedohen penalisht tre të tjerë në Fier. Mësohet se në pranga është vënë një 69-vjeçar për shkak se drejtonte mjetin në gjendje të dehur. Në gjendje të lirë u proceduan tre persona për vepra penale të ndryshme duke nisur nga marrja e parave nëpërmjet mashtrimit, publikimi pa leje i fotove në rrjetet sociale si dhe tentativë vjedhjeje. Materialet për veprat e mësipërme penale i kaluan Prokurorisë së Fierit.

Njoftimi i policisë:

Specialistët e Sektorit të Policisë Rrugore të DVP Fier arrestuan në flagrancë shtetasin F. M., 69 vjeç, banues në fshatin Kashtëbardhë, Lushnjë pasi u konstatua nga shërbimet e Policisë, duke drejtuar automjetin, në gjendje të dehur.

Specialistët për Hetimin e Krimeve Ekonomiko-Financiare të DVP Fier referuan materialet në Prokurori, për shtetasin A. P., 67 vjeç, banues në Fier, pasi dyshohet se ka përvetsuar një shumë parash nga një shtetas, duke e mashtruar atë.

Specialistët për Hetimin e Krimeve Kibernetike të DVP Fier referuan materialet në Prokurori, për shtetasin K. V., 23 vjeç, banues në Korçë, pasi dyshohet se ka publikuar në rrjetet sociale, foto të një 38-vjeçari dhe të familjarëve të tij.   

Specialistët për Hetimin e Krimeve të Komisariatit të Policisë Fier referuan materialet në Prokurori, për shtetasin K. Sh., 43 vjeç, banues në fshatin Radostinë, pasi ka tentuar t’i vjedhë çantën, një shtetaseje 25 vjeçe.  

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

fier vepra penale arrestime

Sondazh

Poll