Bota

Hëngrën mish breshkash deti në ishullin Zanzibar, humbin jetën 8 persona, mes tyre 7 fëmijë

Mësohet se të dielën janë shtruar në spital 78 persona pasi u ushqyen me këtë lloj mishi, që në brigjet e Afrikës Lindore.

11 Mars 2024, 11:25 Nga N.F
Hëngrën mish breshkash deti në ishullin Zanzibar, humbin
Breshkë deti

TANZANI- Tetë fëmijë dhe një grua kanë humbur jetën tragjikisht pasi hëngrën mish të breshkave të detit në arkipelagun e Zanzibarit. Mësohet se të dielën janë shtruar në spital 78 persona pasi u ushqyen me këtë lloj mishi, që në brigjet e Afrikës Lindore.

Autoritetet kanë bërë thirrje të shmanget ky mish. Ngrënia e breshkave të detit të kontaminuara mund të shkaktojë kelonitoksizëm, një lloj i rrallë helmimi ushqimor që mund të jetë vdekjeprurës. Nuk ka antidot të njohur dhe vetëm trajtimi mbështetës mund t'u ofrohet pacientëve.

Haji Bakari, oficer mjekësor i distriktit Mkoani, tha se testet laboratorike tregojnë se të gjithë të prekurit kishin ngrënë mishin e breshkës të martën. Ai shtoi se i rrituri që vdiq të premten ishte nëna e një prej fëmijëve që vdiq në fillim të javës. 

Në nëntor 2021, një fëmijë tre vjeçar dhe gjashtë të tjerë vdiqën në Pemba pasi hëngrën mish breshkash. Tre të tjerë u shtruan në spital. Simptomat e kelonitoksizmit ndryshojnë, por përfshijnë të përziera, të vjella dhe ulçera në fyt dhe gojë. Në raste të rënda, pacientët mund të preken nga dobësi muskulare, paralizë e pjesshme dhe agjitacion, me disa që bien në koma.

Zanzibari shtrihet 35 kilometra nga brigjet e Afrikës lindore-qendrore. Ai është pjesë e Republikës së Bashkuar të Tanzanisë dhe numëron mbi 700 mijë banorë.

tanzani vdekje mish breshke

Sondazh

Poll

MË SHUMË