Bota

Hera e dytë në më pak se dy muaj, alarm për bombë në gjykatën e Podgoricës: Diçka shumë e madhe do të ndodhë, rroftë Serbia!

Kjo është hera e dytë në më pak se dy muaj që emaili i Gjykatës së Lartë merr alarm për bombë. 

11 Mars 2024, 10:55 Nga N.F
Hera e dytë në më pak se dy muaj, alarm për bombë
Pamje nga vendi i ngjarjes

MAL I ZI- Një email ku paralajmëron për bombë ka mbërritur sërish në emailin e Gjykatës së Lartë në Podgoricë pak pas orës 08:00 të mëngjesit të sotëm. Kjo është hera e dytë në më pak se dy muaj që emaili i Gjykatës së Lartë merr alarm për bombë. 

Të gjithë punonjësit dhe palët e pranishme u evakuuan në mënyrë të sigurt. Inspektimi i objektit dhe ambienteve është në pritje. Prezenca e punonjësve të policisë në gjykatë do të shtohet.

Më tej nga mediat e huaja mësohet se një mesazh kërcënues ku thuhet se diçka e madhe do të ndodhë pasi ata kanë vëndosur eksploziv. Më tej në shkrim shkruhet rroftë Serbia dhe Rusia. 

“Diçka shumë e madhe do të ndodhë, vëllazëria jonë ka vendosur një eksploziv shumë të fuqishëm në disa vende, të shohim nëse do ta gjeni para se të godasë. Ne po ju paralajmërojmë dhe ju vazhdoni të ndiqni liderët politikë. Rroftë Serbia, Rroftë Rusia, Rroftë Republika Srpska!” thuhet në shkrim.

mal i zi bombe gjykata e larte podgorice

Sondazh

Poll

MË SHUMË