Politike

Dekriminalizimi/ Rama: Bëjnë moral si tutoret e shtëpive të qejfit… zgjidhja, ligji!(VD)

16 Nëntor 2019, 09:46 Nga DOSJA
Dekriminalizimi/ Rama: Bëjnë moral si tutoret e shtëpive të

TIRANE– Kryeministri Edi Rama iu përgjigj pyetjes së gazetares Ambrozia Meta, për filtrat që Partia Socialiste duhet të vendosë për të shmangur “djegien” e kryebashkiakëve nga ligji për dekriminalizimin. Rama i krahasoi ata që flasin për këtë çështje me “tutoret që ruajnë shtëpitë publike”. Ajo që ishte e rëndësishme për Ramën ishte forcimi i ligjit dhe verifikimi i kandidatëve para se të nisë fushata elektorale.

Gazetarja: Zoti kryeministër, teksa PS është në një proces riorganizimi, a keni menduar të vendosni filtra, që kandidatët tuaj për bashki të mos i kapë më ligji për dekriminalizimi?

Edi Rama: E kam thënë, e rithem dhe të gjitha virgjëreshat që thonë të kundërtën iu ngjajnë atyre përgjegjëseve të shtëpive të qejfit që predikojnë moral. Kjo çështje zgjidhet me fuqizimin e ligjit në raport me individin duke e kthyer vetë-deklarimin e rremë në një vepër që dënohet, qartë, ashpër dhe drejtëpërdrejt. Dhe nga ana tjetër, duke i çliruar partitë politike nga individë që në mënyrë të papërgjegjshme i shmangen të vërtetës përmes një ndërhyrjeje në ligj që do t’i japë mundësi institucioneve të bëjnë verifikime, kur partitë çojnë listat e kandidatëve në një kohë më përpara se fillimi i fushatës, që kur fushata të nisë, lista të jetë e verifikuar. Partitë s’kanë kapacitete për të bërë punën e prokurorisë dhe policisë. Ato të hyjnë në një proces më herët. Kush predikon moral është njësoj, ua thashë, është një shëmbëlltyrë si ato përgjegjëset e shtëpive të qejfit, që tek dera e shtëpisë predikonin virgjërinë e vashave që ofronin brenda shërbime.

Deklarata e kryeministrit Edi Rama u bë pas votimit në një nga qendrat e votimit pranë Partisë Socialiste, që sot zgjedh 706 delegatët e rinj të Kongresit.

(F.g/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike ambrozia meta edi rama ps zgjedh delegatët ambrozia meta edi rama ps zgjedh delegatët

Sondazh

Poll