Aktualitet

FOTOLAJM/ Gratë dhe vajzat protestojnë para Kryeministrisë në Ditën Ndërkombëtare të Gruas: Nata është e jona

Në shenjë proteste, disa prej tyre gjithashtu dogjën reçipetat përpara Kryeministrisë, një akt simbolik për të shprehur refuzimin ndaj diskriminimit dhe padrejtësisë.

8 Mars 2024, 21:36 Nga S.B
FOTOLAJM/ Gratë dhe vajzat protestojnë para Kryeministrisë
foto nga protesta

TIRANË- Në këtë Ditë Ndërkombëtare të Gruas, zërat e qytetareve dhe aktivisteve u ngritën në Tiranë para Kryeministrisë në një protestë e cila shprehu një mesazh të fuqishëm. Në vend të festimeve, gratë dhe vajzat shqiptare vendosën të dalin në rrugë për të bërë të dëgjuar zërin e tyre. Ato mbajtën pankarta dhe shpalosën parullat e tyre, duke shfaqur guximin dhe vendosmërinë për të luftuar për një shoqëri më të drejtë dhe më të barabartë për të gjitha gratë dhe vajzat.

Në shenjë proteste, disa prej tyre gjithashtu dogjën reçipetat përpara Kryeministrisë, një akt simbolik për të shprehur refuzimin ndaj diskriminimit dhe padrejtësisë. Mesazhi që shpërtheu nga kjo protestë ishte i qartë: gratë dhe vajzat nuk do të heshtin më për të drejtat e tyre, dhe kërkojnë ndryshime thelbësore që do t'i sjellin një të ardhme më të mirë për të gjithë.

"Nata është e jona" - kjo ishte shprehja që u shfaq në shumë pankarta, një thirrje e fuqishme për të drejtat dhe liritë e grave në Shqipëri.

Shfletoni galerinë më poshtë për më shumë fotografi nga protesta.

8 marsi proteste nata eshte e jona

Sondazh

Poll

MË SHUMË