Sport

Nuk ka asnjë falje për Papu Gómez…

Apeli i argjentinasit, i pezulluar për dy vite, ku rezultoi pozitiv pas testit antidoping, është rrëzuar sipas asaj që ka zbuluar trajneri i Monzas.

8 Mars 2024, 16:19 Nga DOSJA
Nuk ka asnjë falje për Papu Gómez…

ITALI - Lajm i keq për Alejandro Darío Gómez, i njohur në futboll si Papu Gómez. Apeli i ish-lojtarit të Sevillas, i pezulluar për dy vjet, pasi rezultoi pozitiv në testin antidoping në nëntor 2022, është refuzuar, ka zbuluar këtë të premte Raffaele Palladino, trajneri i Monzas, ku 36-vjeçari nga Buenos Aires dhe kampion bote me Albiceleste në Katar 2022, është që nga sezoni i kaluar.

"Apeli i Papu Gómez është refuzuar, me sa di unë. Klubi do ta komunikojë",- tha trajneri i 'bardhekuqve' në konferencën për shtyp para ndeshjes së tyre kundër Genoas, të cilin ata do ta vizitojnë këtë të shtunë, duke filluar nga ora 20:45.

Gómez, i cili rezultoi pozitiv në një seancë stërvitore të Sevillës, pretendoi se prania e Terbutalinës, një substancë e ndaluar, në sistemin e tij ndodhi "për shkak të marrjes gabimisht dhe aksidentalisht, pa dashje të një luge shurup të djalit tim të vogël për lehtësimin e kollës”,- tha ai në një deklaratë, në të cilën ai e përkufizoi veten si një “mbrojtës i fortë i sportit të pastër dhe i stilit sportiv”.

B.T (Dosja.al)

Sondazh

Poll

MË SHUMË