Sport

Dera është e hapur për të nënshkruar me gjeorgjianin 'Kvaradona'…

Anësori 23-vjeçar i Napolit është një nga më të lakmuarit në treg

8 Mars 2024, 13:00 Nga DOSJA

Dera është e hapur për të nënshkruar me gjeorgjianin

ITALI - Një nga futbollistët që ka ngjallur më shumë interes vitet e fundit është Khvicha Kvaratskhelia, 23-vjeçari anësor gjeorgjian, që shkëlqen për Napolin dhe që e dëshiron gjysma e Evropës.

Lojtari i aftë që mban nofkën 'Kvaradona', duke iu referuar yllit argjentinas kaq të nderuar në qytetin napoletan, ka një kontratë deri në vitin 2027, me një klauzolë transferimi prej 130 milionë euro. Paga e tij është afërsisht 1.5 milionë euro, diçka e vjetëruar në lidhje me përfitimet prej tij dhe kjo është arsyeja pse ai ka biseduar me klubin prej disa kohësh për ta përshtatur atë.

Ndërkohë që kjo i ka hapur dyert klubeve të tjera që të tentojnë ta nënshkruajnë me të dhe kështu ka komentuar agjenti i lojtarit, Mamuka Jugeli në një intervistë për 'La Gazzetta dello Sport'.

“Ne po flasim me klubin për të ardhmen, do të shohim se çfarë do të ndodhë. Ai do të largohet, nëse një klub paraqet një ofertë të pakundërshtueshme. Nuk mund të flas për një figurë specifike, kjo varet nga De Laurentiis. "Unë do të mbroj punën e Khvichas, gjithçka do të jetë e qartë në fund të majit,"- tha ai.

B.T (Dosja.al)

 

Sondazh

Poll

MË SHUMË