Sport

BILANCI/ Chelsea njofton një humbje prej 105 milionë euro në një vit...

Rezultati financiar i referohet periudhës midis majit 2022 dhe qershorit 2023

8 Mars 2024, 09:00 Nga DOSJA

BILANCI/ Chelsea njofton një humbje prej 105 milionë euro në

ANGLI - ‘BlueCo 22’, i cili zotëron Chelsean, zbuloi në një deklaratë këtë të enjte se klubi regjistroi një humbje prej 105.4 milionë euro gjatë një periudhe 13 mujore, pavarësisht një rritje të përgjithshme të të ardhurave, e cila ishte afërsisht 600 milionë euro.

Rezultati i njohur tashmë është ende një përmirësim në krahasim me vitin e kaluar, në të cilin Chelsea humbi 141 milionë euro.

Konsorciumi i drejtuar nga Todd Boehly i bleu ‘blutë’ në vitin 2022 nga ish-pronari i stemës, Roman Abramovich. Edhe atë kohë Chelsea kishte një bilanc financiar negativ, po në 13 muaj, prej 767 milionë euro.

Pavarësisht këtij rezultati negativ, Chelsea në një deklaratë u shpreh, se "klubi vazhdon të jetë në përputhje me rregulloret financiare të UEFA-s dhe Premier League". Këto rregullore tashmë kanë bërë që Evertoni të humbasë gjashtë pikë në kampionatin e këtij sezoni dhe të cilat kanë kërcënuar edhe Nottingham Forest me një sanksion të ngjashëm.

Pas vendit të 12-të në Premier League vitin e kaluar, Chelsea pritet të kalojë edhe një sezon pa luajtur në kompeticionet evropiane, gjë që do të ndikojë në të ardhurat e klubit vitin e ardhshëm.

"BlueCo 22" gjithashtu konfirmoi se bleu 99.7% të skuadrës së Ligue 1, Strasburgun për 76.3 milionë euro.

B.T (Dosja.al)

Sondazh

Poll

MË SHUMË