Aktualitet

Plagosje me thikë në një shkollë në Gjirokastër, qëllohet me thikë një i mitur

Mësohet se ngjarja ka ndodhur në lagjen “18 shtatori”, jashtë ambienteve të shkollës 9-vjeçare, “Koto Hoxhi”.

8 Mars 2024, 08:26 Nga r.ll
Plagosje me thikë në një shkollë në Gjirokastër,
foto ilustruese

GJIROKASTËR- Një plagosje me thikë ka ndodhur mëngjesin e sotëm pranë një shkolle 9-vjeçare në Gjirokastër.  Një nxënës 15 vjeç ka qëlluar me thikë një tjetër nxënës bashkëmoshatar të tij. Mësohet se ngjarja ka ndodhur në lagjen “18 shtatori”, jashtë ambienteve të shkollës 9-vjeçare, “Koto Hoxhi”.

I plagosuri është dërguar në spital, ndërsa i mituri është shoqëruar në polici, ku do të merret në pyetje në prani të psikologut. Grupi hetimor ka nisur hetimet lidhur me këtë ngjarje, ndërsa ende nuk dihen arsyet e plagosjes.

NJOFTIMI I POLICISE

Sot me datë 08.03.2024 rreth orës 08:05 në lagjen “18 shtatori”, gjatë një konflikti të çastit një 15-vjeçar ka goditur me mjet prerës bashkëmoshatarin e tij, i cili ndodhet në spital, në kujdesin e mjekëve.

15-vjeçari është shoqëruar në ambientet e Policisë për veprime të mëtejshme.

Grupi hetimor vazhdon veprimet në vendngjarje për zbardhjen e plotë të rrethanave të ngjarjes.

plagosje ne gjirokastër

Sondazh

Poll

MË SHUMË