Bota

SpaceX nis ekuipazhin prej 3 anëtarësh rreth orbitës së Tokës: Misioni do të zgjasë 6 muaj

Një transmetim i drejtpërdrejtë në internet i NASA dhe SpaceX treguan raketën 25-katëshe duke u ngjitur në hapësirë.

4 Mars 2024, 07:14 Nga M.B
SpaceX nis ekuipazhin prej 3 anëtarësh rreth orbitës së
Astronautët e NASA-s SpaceX Crew-8 Matthew Dominick, Michael Barratt dhe Jeanette Epps, dhe kozmonauti i Roscosmos Alexander Grebenkin

SHBA- Një raketë SpaceX u ngrit nga Florida të dielën mbrëma, me një ekuipazh prej tre astronautësh amerikanë dhe një kozmonaut rus në rrugën e tyre për në Stacionin Ndërkombëtar Hapësinor (ISS) për të filluar një mision shkencor në orbitën e Tokës, për 6 muaj. Një transmetim i drejtpërdrejtë në internet i NASA dhe SpaceX treguan raketën 25-katëshe duke u ngjitur në hapësirë. Raketa mbërriti në orbitën e vet fillestare 9 minuta pas ngritjes, me video live nga kabina që tregonte katër anëtarët e ekuipazhit të lidhur krah për krah të veshur me kostumet e tyre të fluturimit bardh e zi me helmeta.

"Çfarë udhëtimi i jashtëzakonshëm në orbitë," tha astronauti Matthew Dominick, komandanti i fluturimit.

"Me të vërtetë jam i nderuar të fluturoj me këtë anije kozmike të gjeneratës së re me këtë ekuipazh", tha veterani i NASA-s, Dr. Michael Barratt.

Katër anëtarët e ekuipazhit ishin planifikuar të arrinin në stacionin hapësinor të martën pas një fluturimi 16-orësh, duke u lidhur me laboratorin orbital rreth 250 milje (420 km) mbi Tokë.

spacex nasa

Sondazh

Poll

MË SHUMË