Sport

Zhgënjen Shqipëria, arrihet vetëm barazimi kundër Andorrës, lojtarët kokëulur në “Elbasan Arena”

14 Nëntor 2019, 18:53 Nga DOSJA
Zhgënjen Shqipëria, arrihet vetëm barazimi kundër

ELBASAN– Kombëtarja Shqiptare e Futbollit ka zhgënjyer në ndeshjen e parafundit të eliminatoreve të Europianit pasi ka barazuar me Andorrën me rezultatin 2-2. Gjithçka nisi mirë për kuqezinjtë, pasi falë një harkimi të mirë nga Odise Roshi, Bekim Balaj shënoi me kokë në minutat e para. 

Edhe pse për disa momente u duk sikur ishim superiore ndaj Andorrës, miqtë shënuan 12 minuta më pak me Cristiano Martinez falë një gabimi në renditjen e mbrojtjes tonë.

Pjesa e parë u mbyll në barazpeshë ndërsa skuadrat u larguan drejt dhomave të zhveshjes. Ende pa e marrë veten mirë, Martinez përmbysi rezultatin, duke i çuar tijët në avantazh.

Nga momenti i golit, kuqezinjtë tentuan me të gjithë mënyrat që të shënonin golin e barazimit, të cilin e arritën në minutën e 55-të falë Ray Manajt.

Pas ndeshjes së sotme, Kombëtarja jonë është në vendin e katërt në grupin H me 13 pikë. Në vendin e parë ndodhet Franca me 22 pikë, pas saj renditet Turqia me 20 pikë. Para Shqipërisë renditet Islandaa me 16 pikë. Vendet e fundit janë zënë nga Andorra me katër pikë dhe Moldavia me 3.

(k.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

sport sport euro 2020 ndeshja shqipëri- andorrë euro 2020 ndeshja shqipëri- andorrë

Sondazh

Poll