Bota

Ku ka humbur Kate Middleton?/ "Zhdukja" e saj nxit teoritë konspirative

Raportet kontradiktore bënë që mediat sociale të teorizojnë për vendndodhjen e vërtetë të Kate.

28 Shkurt 2024, 20:24 Nga S.B
Ku ka humbur Kate Middleton?/ "Zhdukja" e saj nxit teoritë
Princi William dhe Kate

MBRETËRI E BASHKUAR- Pjestarja e familjes mbretërore Kate Middleton nuk është parë publikisht për më shumë se dy muaj, dhe përditësimet e kufizuara për gjendjen e saj shëndetësore pas operacionit abdominal nuk kanë qenë të mjaftueshme për të parandaluar teoritë konspirative që ofrojnë shpjegime alternative.

Një përditësim i shumëpritur mbërriti nga Pallati Kensington, duke konfirmuar se Princesha e Uellsit ishte "mirë" pas operacionit të saj. Vetëm për t'u sfiduar një ditë më vonë, kur Princi William duhej të humbiste shërbimin përkujtimor për kumbarin e tij për arsye personale. Raportet kontradiktore bënë që mediat sociale të teorizojnë për vendndodhjen e vërtetë të Kate. Përditësimet mbi diagnozën e papritur të kancerit të Charles ishin të shpejta dhe publike, duke eliminuar dyshimet për gjendjen shëndetësore të monarkut. Në vend të kësaj, informacioni i kufizuar i lëshuar për Kate ka nxitur spekulime të egra.

Një përdorues në Twitter analizoi një ndryshim të dukshëm në letrat e fundit të Princit William drejtuar publikut, të cilat përdorin përemrin "unë" për të shprehur mendimet e tij, në kontrast me deklaratat më të vjetra të përbashkëta që ai bënte me Kate, ku përdorej përemri "ne”. Një tjetër teori që qarkullon në rrjet thotë se Kate është në koma dhe se pallati mbretëror po e mban të fshehtë këtë. Përpos këtyre nuk kanë munguar as memet humoristike ku në njërën prej tyre shfaqet fotoja e Kate dhe sipër saj një shkrim “Ka humbur”.

Asnjë nga teoritë e konspiracionit nuk është konfirmuar, por derisa Pallati Kensington të japë më shumë detaje për gjendjen shëndetësore të Middleton dhe ajo të shihet sërish në publik, njerëzit do të vazhdojnë të përdorin imagjinatën e tyre.

kate middleton princi william

Sondazh

Poll

MË SHUMË