Politike

Basha takon komisionerin Varhelyi: Prioritet e PD-së, reforma Zgjedhore dhe lufta kundër korrupsionit

Po ashtu, Basha deklaroi se në takim tha se në fokus të Partisë Demokratike është edhe reforma zgjedhore dhe se partia e tij synon t’i japë qytetarëve të drejtën t'i zgjedhin ata deputetët e tyre përmes listave të hapura.

28 Shkurt 2024, 19:30 Nga M.B
Basha takon komisionerin Varhelyi: Prioritet e PD-së, reforma Zgjedhore dhe
Oliver Varhelyi dhe Lulzim Basha

TIRANA– Kryetari i Partisë Demokratike të vulës, Lulzim Basha ka zhvilluar sot një takim me Komisionerin e BE-së, Oliver Varhelyi. Basha tha se PD është në krah të SPAK, duke shtuar se kushdo që ka abuzuar me paratë e shqiptarëve duhet të përgjigjet përpara drejtësisë.

Po ashtu, Basha deklaroi se në takim tha se në fokus të Partisë Demokratike është edhe reforma zgjedhore dhe se partia e tij synon t’i japë qytetarëve të drejtën t'i zgjedhin ata deputetët e tyre përmes listave të hapura.

Postimi i Bashës:

Kënaqësi të bisedoja sot me Komisionerin e Bashkimit Europian për Fqinjësinë dhe Zgjerimin, Oliver Varhelyi. Diskutuam mbi prioritetet e Partia Demokratike e Shqipërisë, reforma zgjedhore dhe lufta kundër korrupsionit. Për PD kushdo që ka abuzuar me paratë e shqiptarëve duhet të japë llogari para drejtësisë. Për këtë arsye  PD është në krah të drejtësisë dhe SPAK në luftën kundër korrupsionit dhe për ti dhënë fund pandëshkueshmërisë në Shqipëri. Përmes propozimeve për reformën zgjedhore PD synon t’i japë qytetarëve të drejtën ti zgjedhin ata deputetët e tyre përmes listave të hapura. Barazia e votës përmes krijimit të një zone zgjedhore, votimi dhe numërimi elektronik dhe vota e diasporës janë të tjera propozime përmes të cilave ne synojmë ti kthejmë besimin shqiptarëve tek zgjedhjet dhe ti japim fuqi zërit të tyre.

lulzim basha olivér várhelyi

Sondazh

Poll

MË SHUMË