Sport

Bayern Munich përzgjedh dhe emëron Max Eberl si drejtor sportiv…

Bayern Munich njoftoi këtë të hënë në një deklaratë për shtyp se ka emëruar Max Eberl si drejtor sportiv. Me kontratë deri në vitin 2027, ish-lojtari i Leipzig do të marrë detyrat e tij nga 1 marsi.

26 Shkurt 2024, 21:56 Nga DOSJA
Bayern Munich përzgjedh dhe emëron Max Eberl si drejtor

GJERMANI - Bayerni vendos gurët e parë të rindërtimit të tij. Pasi njoftuan të mërkurën e kaluar  ndarjen e tyre nga trajneri gjerman Thomas Tuchel në fund të sezonit, drejtuesit bavarezë njoftuan emërimin e Max Eberl si drejtor të ri sportiv, nëpërmjet një deklarate për shtyp, të publikuar në rrjetet sociale të klubit këtë të hënë. Kontrata është e vlefshme deri në vitin 2027 dhe do të hyjë në fuqi më 1 mars.

“Ne jemi të kënaqur që kemi emëruar Max Eberl si anëtarin tonë të ri të bordit për sportin. Jo vetëm që ka dekada përvojë në menaxhimin e futbollit, por ai gjithashtu filloi të luajë në FC Bayern dhe u bë profesionist këtu (nga 1991 deri në 1994). Ne kemi besim se ai do të formësojë dhe karakterizojë me sukses të ardhmen e këtij klubi”.

Trajner prej kohësh i Mönchengladbach (nga 2008 në 2022), së fundmi në detyrë në Leipzig para se të shkarkohej, Max Eberl duhet të luajë një rol të rëndësishëm në punësimin e trajnerit të ri që do të zërë vendin e Thomas Tuchel. Drejtori sportiv 50-vjeçar vjen për të plotësuar një pozicion vakant që nga shkarkimi i Hasan Salihamidzic majin e kaluar.

B.T (Dosja.al)

Sondazh

Poll

MË SHUMË