Bota

Trudeau dhe Meloni në Kiev, nënshkruajnë marrëveshje sigurie me Zelenskyy

Në total, Kanadaja do t'i sigurojë Ukrainës rreth 2.2 miliardë dollarë ndihmë ekonomike dhe ushtarake në vitin 2024.

24 Shkurt 2024, 21:44 Nga r.ll
Trudeau dhe Meloni në Kiev, nënshkruajnë marrëveshje sigurie
giorgia melon dhe volodymyr zelensky

KIEV- Presidenti ukrainas Volodymyr Zelensky njoftoi sot, në përvjetorin e dytë të pushtimit rus të Ukrainës, nënshkrimin e marrëveshjeve dypalëshe të sigurisë me Kanadanë dhe Italinë. Kievi kërkon të konsolidojë aleancat e tij perëndimore duke përfunduar marrëveshjet përkatëse të sigurisë me një numër të vendeve, përfshirë Gjermaninë dhe Francën.

"Sot, Ukraina është qartësisht më e fortë se dy vjet më parë. Përshëndes nënshkrimin e marrëveshjes me Kanadanë që forcon pozitën e popullit tonë dhe veçanërisht të ushtarëve tanë", shkruan Zelensky në Telegram. 

Ai falënderoi kryeministrin kanadez Justin Trudeau për vizitën në Kiev, ndërkohë zyra e kryeministrit kanadez njoftoi se teksti i marrëveshjes përfshin angazhime të rëndësishme dhe afatgjata të Kanadasë për të vazhduar mbështetjen e Ukrainës.

Në total, Kanadaja do t'i sigurojë Ukrainës rreth 2.2 miliardë dollarë ndihmë ekonomike dhe ushtarake në vitin 2024, sipas të njëjtit burim. Më herët, presidenti Zelensky njoftoi nënshkrimin e bashkëpunimit dypalësh të sigurisë me Italinë , kryeministrja e së cilës, Georgia Meloni, gjithashtu vizitoi Ukrainën sot.

"Ky dokument hedh një themel të fortë për një partneritet afatgjatë të sigurisë midis Ukrainës dhe Italisë," tha presidenti ukrainas, shkruajnë mediat e huaja. 

volodymyr zelenskyy lufta ne ukraine giorgia meloni justin trudeau

Sondazh

Poll

MË SHUMË