Bota

Udhëheqësit e G7: Ukraina dhe populli i saj do të kenë mbështetjen tonë për aq kohë sa duhet

Presidenti Zelensky bëri thirrje për ndihmë në kohë, duke theksuar se ai po mbështet në ndihmën e aleatëve

24 Shkurt 2024, 21:27 Nga r.ll
Udhëheqësit e G7: Ukraina dhe populli i saj do të kenë
foto ilustruese

UKRAINË- Udhëheqësit e G7 u zotuan të mbështesin Ukrainën për aq kohë sa të jetë e nevojshme në luftën kundër Rusisë. Madje ata deklaruan se do të kërkojnë mënyra për ta bërë Moskën të paguajë për shkatërrimin që ka shkaktuar me pushtimin rus dhe luftën që po bën kundër vendit.

Udhëheqësit e G7 mbajtën një video-konferencë me rastin e përvjetorit të dytë të pushtimit rus, i cili ka kushtuar jetën e dhjetëra mijëra njerëzve dhe ka shkaktuar shkatërrime të mëdha materiale dhe ekonomike.

“Ndërsa Ukraina hyn në vitin e tretë të kësaj lufte të pamëshirshme, qeveria dhe populli i saj mund të llogarisin në mbështetjen e G7 për aq kohë sa duhet ”, thuhet në deklaratën e G7.

Në fillim të videokonferencës, presidenti ukrainas Volodymyr Zelensky u bëri thirrje aleatëve perëndimorë që të ofrojnë ndihmë ushtarake në kohë për vendin e tij.

“Ju e dini shumë mirë se çfarë kemi nevojë për të mbrojtur qiejt tanë, për të forcuar forcat tona tokësore, çfarë kemi nevojë për të mbështetur dhe për të vazhduar sukseset tona në det dhe ju e dini shumë mirë se këto duhen dhënë në kohë dhe se ne po llogarisim tek ju.”, tha presidenti Zelensky.

 

udheheqesit e g7 lufta ne ukraine

Sondazh

Poll

MË SHUMË