Bota

Sanksionet amerikane ndaj Rusisë, Lavrov: Do përgjigjemi me veprime duke forcuar ekonominë dhe duke rritur standardet e jetesës

Lavrov pas takimit të ministrave të jashtëm të G20 është shprehur se Rusia do t’i përgjigjet me veprim sanksioneve të reja amerikane duke forcuar ekonominë e saj dhe duke rritur standardet e jetesës për popullin.

23 Shkurt 2024, 18:59 Nga N.F

Lavrov

RUSI- Ministri i Jashtëm rus, Sergey Lavrov ka reaguar në lidhje me sanksionet të cilat ka paralajmëruar SHBA për Rusinë pas vdekjes së kritikut të Putin, Alexei Nalvanyt. Lavrov pas takimit të ministrave të jashtëm të G20 është shprehur se Rusia do t’i përgjigjet me veprim sanksioneve të reja amerikane duke forcuar ekonominë e saj dhe duke rritur standardet e jetesës për popullin.

“Ju e dini, ne do të përgjigjemi me veprime që kanë të bëjnë me zhvillimin e ekonomisë sonë, evolucionin dhe forcimin e lidhjeve me partnerët, të cilët, ndryshe nga pakica perëndimore që mendon në terma kolonialë dhe neokolonialë, kanë aftësi për të bërë marrëveshje dhe për të ndërtuar lidhjet e tyre ekonomike në interesat e popullit të tyre, duke rritur standardin e jetesës për qytetarët dhe duke siguruar prosperitet”, tha Lavrov.

“Rusia do të bashkëpunojë me kombet që kërkojnë që të gjitha aktivitetet në sferën e zhvillimit ekonomik që nuk varen nga ata që janë mësuar të komandojnë ekonominë e botës, të plaçkisin dhe vrasin popujt e vendeve të tjera, të marrin burimet dhe pasuritë e tyre natyrore dhe të jetojnë në kurriz të tyre”, shtoi ai.

sergey lavrov shba rusia sanksione