Art&Argëtim

VIDEO/ Motra e saj u shfaq papritur në TV, Rita Ora: Nuk e di se çfarë po ndodh?

Në një moment të papritur gjatë intervistës, kur motra dhe menaxherja e saj, Elena, ka dalë në ekran.

23 Shkurt 2024, 11:46 Nga M.B
VIDEO/ Motra e saj u shfaq papritur në TV, Rita Ora: Nuk e di se
Elena Ora dhe Rita Ora

BRITANI- Këngëtarja shqiptare me famë botërore, Rita Ora, ka qenë e ftuar së fundmi në emisionin “Today”, ku ka folur për jetën dhe karrierën e saj para prezantueses Hoda Kotb. Në një moment të papritur gjatë intervistës, kur motra dhe menaxherja e saj, Elena, ka dalë në ekran.

“Prit një minut, ajo është në televizion? Çfarë po ndodh? Nuk e di se çfarë po ndodh”, tha Rita.

“E di, unë thjesht jam në TV. Kështu që, ja ku jam, më në fund duke të shikuar ty dhe ju vajza po bëni punë të mirë”, iu përgjigj motra e saj Elena, teksa u shfaq në ekran me një mikrofon në dorë.

Më pas, Rita foli për lidhjen e ngushtë që dy motrat kanë me njëra-tjetrën, duke vlerësuar ndihmën e madhe që ajo i jep si menaxhere e saj, që nga fillimi i karrierës.

“Ajo ka qenë me mua që në fillim. Është një lidhje familjare, ne mundohemi të mbajmë një ekip të ngushtë familjar. Ajo është dy vite më e madhe se unë dhe vazhdon të më këshillojë çdo ditë”, tha Rita.

Rita është fëmija i dytë në familje pas Elenës. Ato kanë edhe një vëlla më të vogël të quajtur Don.

 

elena ora rita ora

Sondazh

Poll