Sport

Lihtehshtejni, testi i parë i qershorit për kuqezinjtë e Sylvinhos, para “Euro 2024”…

Miqësoret e Kombëtares, zbulohet një tjetër kundërshtar i kuqezinjve të Sylvinhos

22 Shkurt 2024, 18:05 Nga DOSJA

 

Lihtehshtejni, testi i parë i qershorit për kuqezinjtë e

TIRANE - Mësohet emri i një kundërshtari tjetër I kombëtares së Shqipërisë gjatë përgatitjeve për të marrë pjesë në “Euro 2024”. Kështu pas zyrtarizimit të miqësoreve të marsit, ndaj Kilit më datën 22 në Parma dhe ndaj Suedisë, tri ditë më vonë në Stockholm, është zyrtarizuar edhe njëri prej testeve të muajit qershor.

Bëhet fjalë për Lihtenchtejnin, me të cilin FSHF ka rënë dakord për një ndeshje miqësore gjatë grumbullimit të muajit qershor, që do të bëhet para nisjes së Kampionatit Europian.

Lajmi është konfirmuar nga Federata e Futbollit të Lihtenshtejnit, që pranon se një nga miqësoret e tyre do të jetë ajo ndaj Shqipërisë, teksa thekson se mbetet për t’u përcaktuar vetëm data, ora dhe vendi.

“Në qershor, dy finalistë të Europianit do të duan të kontrollojnë formën e tyre kundër Lihtenshtajnit pak para fillimit të “Euro 2024”. Fillimisht, në fillim të muajit në një vend dhe datë ende të pacaktuar, do të luajmë kundër Shqipërisë, më pas në 8 qershor në Bukuresht kundër Rumanisë”, thuhet në komunikatën e Federatës së Lihtenshtejnit.

B.T (Dosja.al)

Sondazh

Poll

MË SHUMË