Bota

Arben Taravari: BDI e Ali Ahmetit do të më hapte rrugën si president dhe si kryeministër i RMV, dëgjova zërin e qytetarit

Taravari tha se kjo nuk është një çështje personale, por punë e trajektores së historike e Aleancës për Shqiptarët.

20 Shkurt 2024, 10:02 Nga M.B
Arben Taravari: BDI e Ali Ahmetit do të më hapte rrugën si
Arben Taravari

MAQEDONIA E VERIUT- Kryetari i Aleancës për Shqiptarët në Maqedoninë e Veriut, Arben Taravari, ka deklaruar se gjatë negociatave me BDI-në, partia e integristëve ka qenë në gjendje t’ia pranojë çdo kërkesë të tij, përfshirë këtu edhe presidentin dhe kryeministrin e parë shqiptar. Taravari tha se kjo nuk është një çështje personale, por punë e trajektores së historike e Aleancës për Shqiptarët.

“Unë më lehtë e kam pasur të shkoj me pozitën, me BDI-në, sepse kemi pasur kemi pasur negociata dhe e kam thënë publikisht. Edhe me zotëri Ahmetin, edhe me partitë opozitare. Personalisht e kisha shumë më lehtë. Çfarëdo që kërkoja, edhe kandidat për president ose edhe kryeministër i parë shqiptar, nëse do ta bëja atë kërkesë, do të realizohej. Edhe bartës liste ku të doja… Por nuk është kjo punë personale. Kjo është punë e vijës, trajektores historike e Aleancës për Shqiptarët”, ka thënë Taravari në RTV21.

Ai u shpreh se i ka dhënë shansin zërit të qytetarit.

“Ne nëse do të vendosim të shkonim me BDI-në, do të mund ta bindim edhe anëtarësinë, por unë ia dhashë shansin zërit të qytetarit, zërin e simpatizantit tonë se Aleanca nuk guxon ta bëjë atë që e bëri Besa në 2016-n dhe 2020-të. Ky është realiteti. Nuk mund t’i ikim dhe për herë të parë të gjitha partitë opozitare të bashkohen në një front”, tha Taravari.

arben taravari bdi

Sondazh

Poll

MË SHUMË