Bota

Putin i dhuron Kim Jong Un makinën luksoze: Dhuratë për përdorim personal (FOTO)

Motra e udhëheqësit së Koresë së Veriut përcolli falënderimet e Kim Jong Un për Putin dhe palën ruse, duke thënë se dhurata shërbeu si një demonstrim i qartë i marrëdhënieve të veçanta personale midis liderëve të lartë.

20 Shkurt 2024, 09:00 Nga r.ll
Putin i dhuron Kim Jong Un makinën luksoze: Dhuratë për
kim jong un

PHENIAN- Udhëheqësi i Koresë së Veriut Kim Jong Un ka marrë një makinë nga Vladimir Putin si dhuratë për përdorim personal. Makina e prodhuar nga Rusia iu dorëzua ndihmësve kryesorë të Kim nga pala ruse më 18 shkurt, sipas agjencisë shtetërore të lajmeve KCNA.

Motra e udhëheqësit së Koresë së Veriut përcolli falënderimet e Kim Jong Un për Putin dhe palën ruse, duke thënë se dhurata shërbeu si një demonstrim i qartë i marrëdhënieve të veçanta personale midis liderëve të lartë.

Të dy vendet kanë krijuar lidhje më të ngushta që nga takimi i të dy udhëheqësve në shtator të vitit të kaluar. Megjithatë, masa e fundit mund të jetë një shkelje e një ndalimi të OKB-së që Moska kishte rënë dakord të miratonte kundër Phenianit, shkruan SkyNews.

"Sanksionet e Këshillit të Sigurisë ndaj Koresë së Veriut ndalojnë në mënyrë të drejtpërdrejtë ose të tërthortë furnizimin, shitjen ose lëvizjen e të gjitha automjeteve të transportit të kategorizuara ndërkombëtarisht si kodi HS 86 deri në 89, pavarësisht nga origjina e tyre në Korenë e Veriut, përfshirë makinat luksoze," tha zëdhënësi i Ministrisë së Jashtme të Koresë së Jugut, Lim Soo-suk.

Nga ana tjetër, zëdhënësi i Kremlinit Dmitry Peskov i tha agjencisë ruse të lajmeve RIA se udhëheqësi korean mori një makinë Aurus. Sipas faqes së internetit të prodhuesit të makinave, makina është sedani i parë luksoz i madhësisë së plotë të Rusisë.  Është gjithashtu makina presidenciale e Putin. 

Putin i dhuron Kim Jong Un makinën luksoze: Dhuratë për
Makina

vladimir putin kim jong un

Sondazh

Poll

MË SHUMË